Դուբայում կկայանա ftNFT ամենամյա միջազգային մրցանակաբաշխությունը
Փետրվարի 27-ին Դուբայում տեղի կունենա երկրորդ ftNFT միջազգային մրցանակաբաշխությունը՝ ftNFT International Awards-ը: Համաշխարհային Web3 և NFT ոլորտներում իրականացվող այս մեծ միջոցառումը կազմակերպվում է Դուբայի հայտնի ftNFT մարքեթփլեյսի ու ֆիջիթալ սփեյսի կողմից։ Նախատեսվում է, որ մրցանակաբաշխությունը կդառնա «Համաշխարհային NFT-ների տիեզերական իրադարձություն», որի շրջանակներում կգնահատվեն NFT համայնքի նորարարական նախագծերն ու դրանք ստեղծած տաղանդները:
ftNFT Awards 2024 կայքի ստեղծումից և մրցանակների հավակնորդների հայտերի ներկայացումից հետո կսկսվի համայնքի քվեարկությունը, որը կընթանա փետրվարի 19-23-ը։ Հաղթողները կհայտարարվեն փետրվարի 27-ին կայանալիք հանդիսավոր արարողության ժամանակ, ինչին կհաջորդի գալա ընթրիք Դուբայի հեղինակավոր Armani ռեստորանում:
Մրցանակաբաշխությանն առաջադրված են մի քանի անվանակարգ, որոնց թվում են «Տարվա NFT նախագիծը», «Լավագույն արվեստի ցուցահանդեսը ֆիջիթալ սփեյսում», «Նորափայլ NFT աստղը» և այլն, որոնք նշանավորում են NFT աշխարհում ունեցած բազմատեսակ ձեռքբերումները: Հաղթողներն կընտրվեն համայնքի՝ բլոկչեյնի վրա կատարած քվեարկության միջոցով, ինչպես նաև ոլորտի լավագույն փորձագետներից կազմված ժյուրիի անդամների համատեղ որոշմամբ (որոշ անվանակարգերի դեպքում, սակայն, հաշվի են առնվելու ftnft.com-ում գրանցված վերջին 12 ամսվա տվյալները): Կան նաև հատուկ հովանավորվող անվանակարգեր՝ միտված ճանաչելու Web3 լուծումների ընդունումն ու յուրացումը ԱՄԷ-ում:
ftNFT International Awards 2024-ը հրավիրում է արտիստների, Web3 ծրագրավորողների և NFT ստեղծողների ամբողջ աշխարհից՝ քվեարկելու իրենց նախընտրած մասնակցի օգտին և օգնելու ընտրել հաղթողներին: Միջոցառման վերաբերյալ թարմացումներին կարելի է հետևել պաշտոնական կայքի միջոցով:
ftNFT մարքեթփլեյս և ֆիջիթալ սփեյս
2022 թվականին հիմնադրված ftNFT-ն առաջատար NFT հարթակ է, որն ընդգրկում է մարքեթփլեյս և երկու ֆիջիթալ սփեյս, որոնք գործում են Fastex Web3 էկոհամակարգում: Բլոկչեյն տեխնոլոգիայի, մասնավորապես՝ Bahamut և Ethereum Blockchain-ների վրա գործող ftNFT-ն ապահով և թափանցիկ կերպով ընդունում է տարբեր կրիպտոարժույթներ: Դուբայում և Երևանում գործող աշխարհում առաջին ֆիջիթալ NFT տարածքները տրամադրում են համապարփակ ծառայություններ՝ մետապատկերասրահներից մինչև 3D սկաներներ՝ միաձուլելով թվային և ֆիզիկական աշխարհները օգտատերերին մեծ փորձառություն ընձեռելու նպատակով:
Լրացուցիչ տեղեկությունների և ftNFT International Awards 2024-ին մասնակցելու համար հարկավոր է այցելել հետևյալ հղումով՝
Միգրանտներ եվրոպական ապագայի դիմաց. ի՞նչ գին է պատրաստ վճարել Հայաստանը
Պայմանագրային զինծառայող Սերգեյ Հովհաննիսյանը նույնպես ազատվել է աշխատանքից իր հոր՝ «Ուժեղ Հայաստան...
«Հայ Վիրտուոզներ» ծրագրի պատանի երաժիշտները ելույթ ունեցան COP17-ին
Ես Երևանում եմ, բայց Բաքվում մեր հայրենակիցներն ամբողջությամբ մեկուսացված են. Գագիկ Ծառուկյան
Մեզ ոչ ոք չի կանգնեցնի. Ստեփանավանում փոփոխություններ բերելու ճանապարհին. տեսանյութ
Ըմբոստ «պայքարող տղու» կերպարից մինչև իշխանական հովանոց. Առուշ Առուշանյանի քաղաքական փոշիացումն ու Գ...
ԶՊՄԿ-ն երրորդ տարին անընդմեջ Mining Armenia Forum-ի ռազմավարական հովանավորն ու գլխավոր կազմակերպիչն ...
Գազամատակարարման պլանային դադարեցումներ կլինեն Երևանում և մարզերում
Բելառուսն արգելել է Լատվիայից մի շարք ապրանքների ներմուծումը
5000 դրամի փոխարեն 20 000 դրամ. ՆԳՆ–ն էլ ավելի կխստացնի տուգանքները
