Հռոմի ստատուտը և Ադրբեջանի ճնշումները. Հայաստանի հետքայլը
Հաագայում միջազգային քրեական դատարանում երեկ տեղի է ունեցել Հայաստանի անդամակցությանը նվիրված միջոցառում, որին մասնակցել է նաև Արարատ Միրզոյանը, հայտարարել, թե Հռոմի ստատուտը և ՄՔԴ-ն կարող են դառնալ հետագա ցեղասպանությունները կանխելու, էսկալացիաները դադարեցնելու լուրջ հնարավորություն։
Մինչ գործող իշխանությունները նման միջոցառումներով և ներկայացումներով փորձում են հանրությանը համոզել Հռոմի ստատուտին միանալու իրենց քայլի արդարացված լինելու մեջ, «Միջազգային և համեմատական իրավունքի կենտրոնի» նախագահ, իրավապաշտպան Սիրանուշ Սահակյանն ահազանգում է, որ Ադրբեջանը Հայաստանից պահանջում է հրաժարվել միջպետական բոլոր գանգատներից։ Ըստ իրավապաշտպանի՝ Հայաստանը հնարավորություն ունի ՄԱԿ-ի միջազգային դատարանում պատանդառության կոնվենցիայի հիմքով գանգատ ներկայացնել։
Թե՛ նախկինում ռազմագերիները, թե՛ ներկայումս, հատկապես Արցախի բարձրաստիճան ղեկավարները, առավելապես ունեն առևանգվածի, պատանդի կարգավիճակ, և նրանց պատանդառությունը կապված է քաղաքական օրակարգերի բավարարման պահանջների հետ։ Սա, ըստ իրավապաշտպանի, շատ ազդեցիկ միջոց կլիներ, սակայն Հայաստանը նոր միջպետական գանգատներ չի ներկայացնում և այդ հարցում Հայաստանի իշխանությունները ենթարկվում են ադրբեջանական ճնշումներին։ Որ գործող իշխանությունները բազմաթիվ հարցերում անցել են Ադրբեջանի պահանջների կատարմանը, որևէ մեկը չի կասկածում, սակայն առնվազն միջազգային իրավական կառույցներ դիմեու հարցում, 44-օրյա պատերազմից հետո, Հայաստանը բավական ակտիվ է եղել, ընդ որում միջազգային իրավական հարցերով Հայաստանի ներկայացուցիչը, ի տարբերություն գործող իշխանությունների այլ պաշտոնյաների, չափազանց ակտիվ և լուրջ դրական դեր է կատարել այս ուղղությամբ, ուստի առնվազն տարօրինակ է այսօր, որ Ադրբեջանի նման պահանջները կատարվում են, իսկ նոր գանգատներ չեն ներկայացվում։
Այս կերպ Ադրբեջանը փորձում է զերծ պահել հետագա իրավական խնդիրներից, մինչդեռ հենց Հայաստանի իշխանություններն էին Հռոմի ստատուտը ներկայացնում որպես Ադրբեջանի ռազմական հանցագործությունները պատժելու լուրջ գործիք։
Նելլի Նասիբյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
