Նիկոլ Փաշինյանը կառավարության անդամների հետ այցելել է Eighty Eight Hotel & Spa 5 աստղանի հյուրանոցային համալիր

Վերակառուցված հյուրանոցը հյուրերին է ներկայանում նորովի և բարձր ստանդարտներին համապատասխան բոլոր առավելություններով։ Հյուրերը կարող են ընտրել Eighty Eight Hotel & Spa յուրօրինակ ոճով հարդարված տարբեր կարգի 126 նրբաճաշակ համարներից յուրաքանչյուրը: Յոթ հարկանի շինության ներսում գործում են ռեստորաններ, բար, բուտիկներ, մարզասրահ` իր 37 մետր երկարությամբ լողավազանով, շոգեբաղնիքով և համմամով։ Գործում է նաև սպա կենտրոն՝ ժամանակակից ծառայություններով:

Հյուրանոցային համալիրն ունի ուղիղ ելք դեպի սահուղի, որտեղից դահուկորդները կարող են հյուրանոցից դահուկել դեպի ճոպանուղի և ետ վերադառնալ սկզբնակետ: Ձմեռային մարզաձևերի սիրահարների համար ստեղծված են ապահով և հարմարավետ բոլոր պայմաններն՝ անվճար ավտոկայանատեղի, ինչպես նաև վարձույթով են տրվում սպորտային բոլոր պարագաները:

Հյուրանոցում, բացի հանգստից, կարելի է կազմակերպել կորպորատիվ տարբեր միջոցառումներ։