Թրամփը վերընտրվելու դեպքում աշխարհում խաղաղություն կհաստատի ուժի միջոցով և Իրանի դեմ առավելագույն ճնշում կգործադրի
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ նախկին նախագահ Դոնալդ Թրամփը նախազգուշացրել է, որ աշխարհը «երրորդ համաշխարհային պատերազմի շեմին է»՝ անդրադառնալով Իրանի աջակցությունը վայելող զինյալների կողմից Հորդանանում ԱՄՆ բազայի վրա իրականացրած հարձակմանը, որի հետևանքով զոհվել է երեք, վիրավորվել՝ երեսունից ավելի ամերիկացի զինծառայող:
Թրամփը պնդել է, որ նման բան «երբեք չէր լինի, եթե ինքը նախագահ լիներ». նա համապատասխան գրառում է կատարել Truth Social-ում:
«ԱՄՆ-ի դեմ այս լկտի հարձակումը Ջո Բայդենի թուլության և հանձնվելու ևս մեկ սարսափելի և ողբերգական հետևանք է։ Այս հարձակումը երբեք չէր լինի, եթե ես լինեի նախագահ, ոչ մի հնարավորություն չէր լինի: Ճիշտ այնպես, ինչպես չէր լինի Իրանի կողմից աջակցվող ՀԱՄԱՍ-ի հարձակումն Իսրայելի վրա, Ուկրաինայում պատերազմը, և մենք հենց հիմա կունենայինք խաղաղություն ողջ աշխարհում: Փոխարենը, մենք 3-րդ համաշխարհային պատերազմի շեմին ենք»,- գրել է ԱՄՆ նախկին ղեկավարը:
Թրամփը պնդել է, որ երբ ինքը լքում էր պաշտոնը, Իրանը «թույլ, կոտրված և լիովին վերահսկելի էր»:
«Իմ առավելագույն ճնշման քաղաքականության շնորհիվ իրանական վարչակարգը հազիվ էր կարողանում երկու դոլար հավաքել՝ իրենց ահաբեկիչների պրոքսիներին ֆինանսավորելու համար: Այնուհետև Ջո Բայդենը եկավ և Իրանին տվեց միլիարդավոր դոլարներ, որոնք ռեժիմն օգտագործել է արյունահեղություն և ջարդեր տարածելու համար ողջ Մերձավոր Արևելքում։ Այս հարձակումը երբեք տեղի չէր ունենա, եթե ես լինեի նախագահ»,- գրել է նա։
Թրամփը խոստացել է հետ բերել այդ քաղաքականությունը, եթե նոյեմբերի ընտրություններում հաղթի Բայդենին։
«Այս սարսափելի օրը ևս մեկ ապացույց է այն բանի, որ մեզ անհրաժեշտ է անհապաղ վերադարձ դեպի խաղաղություն ուժի միջոցով, որպեսզի այլևս չլինի քաոս, ավերածություններ և ամերիկացիների թանկարժեք կյանքերի կորուստ: Մեր երկիրը չի կարող գոյատևել Ջո Բայդենի՝ գլխավոր հրամանատարի պաշտոնում լինելու պայմաններում»,- գրել է նա։
Բայդենի վարչակազմը հակադարձել է՝ պնդելով, որ նրանք, ովքեր փորձում են «քաղաքականացնել ԱՄՆ ազգային անվտանգությունը, անտրամաբանական են և վնասում են անվտանգությանն ու ապահովությանը»:
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Արգիշտի Քյարամյանը ևս ազատման դիմում է գրել, շուտով այդ մասին պաշտոնապես կհայտարարվի
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
«Ովքեր Նանուլին չեն ճանաչում, մտածում են, որ շփացած աղջիկ է, ինքնավստահ մեկը». Վիկա Մարտիրոսյան
