Ներսես Երիցյանի՝ 360 հազար դոլարը գերազանցող դրամական միջոցները. «Փաստ»
«Փաստ» օրաթերթը գրում է.
ՀՀ կենտրոնական բանկի նախագահի տեղակալ Ներսես Երիցյանը նախորդ տարի գրեթե 365 հազար ԱՄՆ դոլար դրամական միջոցներ է ունեցել: Ըստ նրա Բարձրաստիճան պաշտոնատար անձանց էթիկայի հանձնաժողովին ներկայացրած գույքի և եկամուտների հայտարարագրի՝ Երիցյանը 6 միլիոն 66 հազար դրամ և 352 հազար ամերիկյան դոլար ունի:
Պաշտոնյան հայտարարագրել է 30 միլիոն 307 հազար դրամ տարեկան եկամուտ, որից 29 միլիոն 504 հազար դրամը Կենտրոնական բանկի նախագահի տեղակալի աշխատավարձն է, 406 հազար դրամը ստացված փոխառությունները (վարկեր) և 396 հազար դրամն էլ նշվել է որպես այլ եկամուտ:
Ներսես Երիցյանը 90–ականներին նույնպես աշխատել է Կենտրոնական բանկում՝ սկզբից որպես բանկի նախագահի օգնական, հետո դրամավարկային քաղաքականության վարչության պետ, այնուհետև էլ՝ բանկի խորհրդի անդամ։ Վերջինս նաև նախարարի պաշտոն է ունեցել՝ 2007 թ. նշանակվել էր Առևտրի և տնտեսական զարգացման նախարար, իսկ 2008 թ.՝ Էկոնոմիկայի նախարար:
Էլինար Վարդանյանը 28 միլիոն դրամով բնակարան է ձեռք բերել
ԱԺ պատգամավոր Էլինար Վարդանյանը նախորդ տարի 28 միլիոն դրամով բնակարան է ձեռք բերել: Այդ մասին տեղեկանում ենք պատգամավորի՝ Բարձրաստիճան պաշտոնատար անձանց էթիկայի հանձնաժողովին ներկայացրած գույքի և եկամուտների 2015 թ. հայտարարագրից:
Էլինար Վարդանյանի դրամական միջոցները 2015 թ. սկզբին եղել են 5 միլիոն դրամ և 70 հազար ԱՄՆ դոլար, իսկ արդեն տարեվերջին նվազել՝ կազմելով 3 միլիոն 500 հազար դրամ և 30 հազար ԱՄՆ դոլար: Հավանաբար նա գումարի մի մասը տրամադրել է բնակարան գնելու համար:
Ըստ հայտարարագրի՝ պատգամավորի տարեկան եկամուտները գոյացել են 8 միլիոն 340 հազար և 580 հազար դրամ աշխատավարձերից և 23 միլիոն 300 հազար դրամ ստացված փոխառություններից (վարկեր):
Էլինար Վարդանյանի ամուսինը՝ Կարեն Զաքարյանը, հայտարարագրել է 30 հազար ԱՄՆ դոլար դրամական միջոցներ և 4 միլիոն 373 հազար դրամ եկամուտ:
Շարունակությունը` «Փաստ» օրաթերթի այսօրվա համարում:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
