Հայաստանն արագացված տեմպերով գնում է դեպի բռնապետություն
Երևանի ավագանու ընդդիմադիր անդամի շուրջ վերջին օրերին ստեղծված իրավիճակը վկայում է, որ Հայաստանն արագացված տեմպերով գնում է դեպի բռնապետություն։ «Մայր Հայաստան» դաշինքը հայտարարություն է տարածել ավագանու անդամ Նարինե Հայրապետյանի հետ կատարված միջադեպի՝ Հայաստանից հեռանալու վերաբերյալ։ Ընդհուպ այս դեպքում բոլոր դետալները չեն, որ բացահայտված են, կան, իհարկե, որոշակի կասկածելի տվյալներ։
Հայրապետյանը հաղորդում է ներկայացրել ոստիկանություն, որ իրեն առևանգել են ու իր հասարակական, քաղաքական գործունեության հետ կապված ճնշումներ կիրառել, զգուշացրել են՝ «չափերի մեջ մնալ» ու դադարեցնել կոշտ քննադատությունը։ Ոստիկանություն դիմելուց հետո Հայրապետյանը լքել է Հայաստանը, մի քանի օր նրա հետ կապ չի եղել, ապա, կապի դուրս գալով, նա տեղեկացրել է, որ երկրից դուրս է եկել, քանի որ իր դեմ ճնշումներ են բանեցրել նաև ոստիկանությունում՝ ստիպելով հրաժարվել իր ցուցմունքից և նոր ցուցմունք տալ։ Եթե, իսկապես ոստիկանությունում ճնշումներ են գործադրվում ընդդիմադիր գործչի նկատմամբ և նման պարտադրանք են ներկայացվում, ապա դա առաջին հերթին, հենց գործող իշխանությունների խարանն է։
Ի վերջո, օրենքի գերակայության մասին խոսող Նիկոլ Փաշինյանն ու նրա վարչախումբը, իրենք առաջին հերթին պետք է շահագրգռված լինեն օրենքի կետը, ազատ խոսքն ու մարդու իրավունքները պահպանելու հարցում, սակայն ոչ միայն ընդդիմադիր ավագանու անդամի, այլ նաև բազմաթիվ այլ դրվագներով կարելի է ցուցանել, որ գործող իշխանությունները երկիրը տանում են բռնապետության ճանապարհով և հասել են մի այնպիսի կետի, որ նույնիսկ մեղադրանքը, որը կարող է ընդհուպ կեղծ լինել, հանրության մեջ այլևս դիտարկվում է որպես իրականություն։
Ցանկացած պարագայում իշխանությունը ոչ միայն պետք է արագ հետաքննի և պատժի մեղավորներին, այլ նաև հանրությանը տարբեր դրվագներով համոզի, որ Հայաստանը բռնապետության վերածելու միտք չունի։
Նունե Մինասյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
