Ծառուկյանի շուրջ կձևավորվի աննախադեպ ծավալի դաշինք. «Փաստ»
«Փաստ» օրաթերթը գրում է.
Մեզ հասած տեղեկություններով Գագիկ Ծառուկյանը շարունակում է ինտենսիվ հանդիպումների շարքը: Այս օրերին նրա հետ հանդիպում խնդրողների պակաս չի զգացվում: Քաղաքական դաշտում գործող տարբեր ուժերի ներկայացուցիչներ ցանկանում են օր առաջ տեղեկանալ Ծառուկյանի քաղաքական նպատակների մասին, քանի որ բոլորի համար էլ պարզ է, որ բացի իշխանական բևեռից, առաջիկա ընտրություններում ծանրության երկրորդ կենտրոնը Ծառուկյանն է լինելու: Անձամբ Ծառուկյանը դեռ չի շտապում իր քաղաքական պլանները բարձրաձայնել:
Մեր վստահելի աղբյուրը մի քանի տեղեկություն փոխանցեց, որոնց շուրջ այսօր ընթանում են քննարկումները: Առաջին` Ծառուկյանը կվերադառնա, եթե տեսնի, որ կարելի է երկրում ռեալ բան փոխել ու դրա համար կա կարող թիմ: Երկրորդ` Ծառուկյանը հաստատ ԲՀԿ չի վերադառնա: Ամենայն հավանականությամբ Գ. Ծառուկյանի շուրջ կձևավորվի աննախադեպ ծավալներով, վերկուսակցական ֆորմատի դաշինք: Այդ դաշինքի մեջ են մտնելու անցյալում չպախարակված, դրական նկարագիր ունեցող հին ու նոր սերնդի այն գործիչները, ովքեր ապացուցել են նվիրվածությունը երկրին, իրենց ոլորտներում կայացած ու բարձր արդյունքներ արձանագրած մարդիկ են, ովքեր հանդես են գալիս միասնականության, համատեղ ուժերով երկիրն այս ծանր իրավիճակից դուրս բերելու գաղափարներով:
Ծառուկյանը նեղ շրջապատում ասել է, որ իր համար գերակա է Հայաստանի և Արցախի` երկու հայկական պետությունների անվտանգության խնդիրը, ինչպես նաև Սփյուռքի հետ նոր որակի հարաբերությունների հաստատման հրամայականը:
Այս անգամ, ըստ Ծառուկյանի, իրեն ավելորդ բալաստ պետք չէ, քանի որ ինքը ձայների խնդիր չունի և ցանկանում է ուժի և ինտելեկտի վրա կառուցած ապագայի քաղաքական թիմ ձևավորել: Ինչևիցե, 2016–ի ներքաղաքական ամենամեծ ինտրիգին մնացել են հաշված օրեր, որից հետո արդեն վերջնականապես պարզ կլինի 2017–ի խորհրդարանական ընտրությունների հիմնական խաղացողների կազմը:
Շարունակությունը` «Փաստ» օրաթերթի այսօրվա համարում:
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Ուժեղ Հայաստան» կուսակցության քարոզարշավը․ ուղիղ
Մերժում ենք թուլությունը, սուտն ու կեղծիքը, ընտրում ենք արժանապատիվ և ուժեղ Հայաստանը․ Ավետիք Չալաբյ...
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
