Երբ օրվա իշխանությունները քննարկում են ինքնիշխանությունն ու անկախությունը, ուրեմն... արդեն վախենալու է․ «Փաստ»
«Փաստ» օրաթերթը գրում է.
Մի երկու ժամ առաջ այն բանից, երբ ազդարարվեց Փաշինյանի ու Ալիևի աշխատակազմերի համատեղ հայտարարությամբ հանդես գալու մասին, ՔՊ-ում, պարզվում է, նիստ են արել: Համենայն դեպս, ՔՊ-ի ֆեյսբուքյան էջից տեղեկանում ենք, որ դեկտեմբերի 7-ին տեղի է ունեցել «Քաղաքացիական պայմանագիր» կուսակցության նախաձեռնող խմբի հերթական նիստ, որի ժամանակ «քննարկվել են գաղափարական, քաղաքական բնույթի հարցեր»:
Հետաքրքիր է, որ «կարկառուն» քպականներից մի երկուսը նաև մասնավորեցրել են, թե ինչ են քննարկել: «Քննարկել ենք անկախությանը, ինքնիշխանությանը, մեր պետության ապագային վերաբերող կարևորագույն գաղափարական հարցեր»,-գրել է քպականներից մեկը: Այսքանն արդեն իսկ բավարար է տագնապի զգացողության համար: Դե, եթե ՔՊ-ում քննարկում են Հայաստանի ինքնիշխանությանը, անկախությանը և պետության ապագային վերաբերող հարցեր, այն էլ՝ գաղափարական, ուրեմն՝ ինքնիշխանությունը, անկախությունն ու պետության ապագան իրենց «ճաշները կերան»: Ռուսերեն հայտնի արտահայտության հանգույն՝ «չորացրեք թիակները»: Չէ, լո՛ւրջ, վախենալու է, երբ Նիկոլ Փաշինյանն ու նրա շուրջ հավաքված մյուս «նիկոլփաշինյանները» խոսում են անկախությունից, ինքնիշխանությունից, պետության ապագան էլ՝ վերադիր: Այդ վերադիրն՝ առաջին հերթին, որովհետև նրանց խոստացած որևէ «ապագա» արդեն իսկ... անապագա է: Խոսում էին Արցախից, Արցախի բոլոր հայտնի անկյուններում նկարվում էին ու գրում՝ «Ակնան (Աղդամը) իմ հայրենիքն է», գոռում էին՝ «Արցախը Հայաստան է, և՝ վերջ»: Եվ ի՞նչ:
Արցախը հանձնեցին թշնամուն, հիմա Արցախ բառն անգամ մտքում չեն արտաբերում, ավելին, ամեն նստել-ելնելիս հայտարարում են, որ «Ղարաբաղը ադրբեջանական է, և՝ վերջ»: Խոսում էին ժողովրդավարությունից, Հայաստանում ոչ միայն խայտառակ բռնապետություն է, այլև այն գնալով ավելի ու ավելի քստմնելի դրսևորումներ է ստանում: Խոսում էին կոռուպցիայի դեմ պայքարից... Եթե չասենք էլ, բավարար է թռուցիկ հայացք նետել նրանց ներկայիս տեսքին, հագուկապին, հայտարարագրերին, բնակարաններին ու մեքենաներին, և ամեն ինչ պարզից պարզ կլինի: Խոսում էին ապագայից, ապագան թաղեցին ու շարունակում են թաղել: Անդադար խոսում են խաղաղությունից, արդեն երեք տարուց ավելի շարունակական պատերազմ է՝ շարունակական կորուստներով: Հասել են անկախությունից ու ինքնիշխանությունից խոսելուն: Ու երբ դրա մասին հայտարարում են իրենք՝ քպականները, դա հնչում է շատ, չափազանց շատ վախենալու...
Մանրամասները՝ «Փաստ» օրաթերթի այսօրվա համարում
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Մենք չենք ուզում պատերազմ, Նիկոլն է ուզում. Արշակ Կարապետյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Ապրիլ-մայիսին հազարավոր մարդկանց գաղտնալսել են՝ 258 մեղադրյալ կա. Արամ Վարդևանյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
