ՔՊ-ն անցնում է մյուս համայնքների զավթմանը
Ալավերդիում «Ապրելու երկիր» կուսակցությանն իշխանազրկելուց, Գյումրիում էլ «Բալասանյան» դաշինքի հուշագիրը չեղարկելուց հետո, գործող իշխանությունները որոշել են թիրախավորել բոլոր այն համայնքները, որտեղ համայնքապետերը ՔՊ-ական չեն։ Մասնավորապես, մեր աղբյուրների փոխանցմամբ, առաջին հերթին վտանգի տակ են Սյունիքի համայնքապետերը։ Թեև 2021 թվականի խորհրդարանական արտահերթ ընտրություններից և ՏԻՄ ընտրություններից հետո Սյունիքի երբեմնի ընդդիմադիր համայնքապետերն առանձնապես խնդիր չեն տեսնում ՔՊ-ականների հետ համագործակցելու առումով, Փաշինյանը մտավախություն ունի, որ իր նախանշած խորհրդարանական արտահերթ ընտրությունների ժամանակ կարող է կրկին խնդիրների բախվել հենց Սյունիքում։
Հիշեցնենք, արտահերթ ընտրությունների ժամանակ Փաշինյանն ամենացածր ձայները ստացել էր հենց հարավային մարզում, իսկ Քաջարանը միակ քաղաքն էր, որտեղ ընդդիմադիր «Հայաստան» դաշինքը լուրջ առավելությամբ հաղթանակ էր տարել «Քաղաքացիական պայմանագրի» նկատմամբ։ Քաջարանի քաղաքապետը հետագայում ծաղկեփնջերով էր դիմավորում Աննա Հակոբյանին, որի ամուսնուն մինչ այդ դիմավորել էին սյունյաց ողջույններով։ Նույնիսկ այս հանգամանքը չի կարողանա փրկել նրանց Փաշինյանի զայրույթից, վերջինս ցանկանում է իրենով անել ողջ իշխանությունը, և տեղերում հեղինակություն ունեցող քաղաքապետերին պարզապես ասել են, որ առաջիկայում նրանք պետք է հրաժարական տան, իսկ եթե ցանկանում են մասնակցել ընտրություններին, ապա պետք է գլխավորեն ոչ թե այլ կուսակցությունների, այլ հենց քաղպայմանագրի համամասնական ընտրացուցակները, ընդ որում ցուցակները հիմնականում լինելու են «քաղպայմանագրի» ներկայացուցիչները։
Այս կերպ Նիկոլ Փաշինայնը ցանկանում է Հայաստանում գտնվող բոլոր համայնքներում իշխանազավթում իրականացնել և թույլ չտալ որևէ տեղ, որտեղ կարող են վարչական լծակ օգտագործել իր դեմ, ցանկացած լծակ այսօր կենսական նշանակություն ունի հենց գործող իշխանությունների համար։
Նարե Սարգսյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
