Հերթական հակառուսական քայլը
Հայաստանի գործող իշխանությունները կրկին ցուցադրել են իրենց հակառուսական էությունը, այս անգամ ԵԱՀԿ անդամ պետությունների արտգործնախարարների գագաթնաժողովում՝ Հյուսիսային Մակեդոնիայի մայրաքաղաքում։
Արտգործնախարար Արարատ Միրզոյանն է մեկնել Սկոպիե մի շարք հանդիպումներ ունեցել, այդ թվում ԱՄՆ պետքարտուղար Էնթոնի Բլինքենի, Մեծ Բրիտանիայի արտգործնախարար Դեյվիդ Քեմերոնի, Եվրոպական դիվանագիտության ղեկավար Ժոզեֆ Բորելի և բազմաթիվ այլ գործընկերների հետ։ Բոլոր հանդիպումները, ըստ ՀՀ ԱԳն-ի, անցել են չափազանց ջերմ տոնայնությամբ։ Միակ հանդիպումը, որի վերաբերյալ հայկական պաշտոնական հաղորդագրությունը նույնիսկ չի կարողացել թաքցնել ընդգծված անբարյացակամ վերաբերմունքը, եղել է Ռուսաստանի արտգործնախարար Սերգեյ Լավրովի հետ դռնփակ հանդիպումը։ Դրանից հետո Հայաստանի ԱԳն-ն հաղորդագրություն է տարածել, նշել, թե արտգործնախարար Արարատ Միրզոյանը ռուսական կողմին ևս մեկ անգամ ներկայացրել է հայկական կողմի դիրքորոշումները երկկողմ և տարածաշրջանային օրակարգերի շուրջ՝ Ռուսաստանի դաշնության քաղաքականության և իրականացրած քայլերի վերաբերյալ։ Կցկտուր են տեղեկությունները նաև Ռուսաստանի ԱԳՆ-ի հաղորդագրության մեջ, այստեղ էլ նշվում է, թե Լավրովը հայտնել է Մոսկվայի պատրաստակամությունը՝ նպաստել հայ-ադրբեջանական հարաբերությունների կարգավորմանը, նաև հաստատվել է տարբեր մակարդակներով հետագա շփումների պահանջը, իսկ նման պահանջ իսկապես կա, Հայաստանի ԱԳՆ-ն, ԱԳ նախարարը և այլ պաշտոնյաներ պարբերաբար խուսափում են ռուսների հետ դեմառդեմ հանդիպումներից և իրենց դիրքորշումները ներկայացնելուց։
Հակառուսական մեկ այլ դրսևորում էլ կարելի է համարել Հայաստանի հրաժարումը մասնակցելու ԵԱՀԿ նախարարների խորհրդի նիստից առաջ ՀԱՊԿ անդամ երկրների ներկայացուցիչների հերթական աշխատանքային հավաքներին։ Ռուսաստանի փոխանցմամբ՝ ճշգրտվել են մոտեցումները ԵԱՀԿ օրակարգի առանցքային հարցերի վերաբերյալ, պայմանավորվել ամրապնդել փոխգործակցությունը Վիեննայում և այլ միջազգային հարթակներում։
Հայաստանի ԱԳՆ-ի փոխանցմամբ՝ Հայաստանի ներկայացուցիչը պարզապես չի մասնակցել այդ հանդիպմանը, որևէ մանրամասն հայկական կողմը չի հայտնում։ Ըստ էության սա ևս մեկ դեմարշ կարելի է համարել Ռուսաստանի դեմ, և Հայաստանի իշխանություններն այլևս ամենևին չեն խորշում իրենց հակառուսական քաղաքականությունն ու արտաքին քաղաքական վեկտորի փոփոխության մտադրությունները ցուցանելու հարցում։
Մանե Բաբայան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
