«Փարկինգ Սիթի Սերվիսի» բաժնետոմսերը կհանձնվեն «Լոկատորին». «Փաստ»
«Փաստ» օրաթերթը գրում է.
Երևան քաղաքի ավագանին որոշել է որպես նվիրատվություն Տիգրան Հարությունյանից ընդունել «Փարկինգ Սիթի Սերվիս» փակ բաժնետիրական ընկերությունում վերջինիս սեփականության իրավունքով պատկանող 100% բաժնեմասը՝ 1000 դրամ անվանական արժեքով 100 հատ անվանական բաժնետոմսերը: Այս մասին որոշման նախագիծը ընդունվել է դեկտեմբերի 21–ի՝ Երևան քաղաքի ավագանու արտահերթ նիստի ընթացքում:
Ըստ նախագծի՝ ավտոկայանատեղերի կազմակերպման ծառայությունները մատուցող Երևանի ենթակայության «Փարկինգ Սիթի Սերվիս» ՓԲԸ–ի բաժնետոմսերը հավատարմագրային կառավարման կհանձնվեն «Լոկատոր» ՓԲԸ–ին՝ հավատարմագրային կառավարչին: Իսկ Երևան համայնքի անունից էլ հավատարմագրային կառավարչի հետ կկնքվի «Փարկինգ Սիթի Սերվիս» ընկերության՝ Երևան քաղաքի սեփականությունը հանդիսացող բաժնետոմսերով հավաստված իրավունքների հավատարմագրային կառավարման պայմանագիր՝ մինչև տասը տարի գործողության ժամկետով:
Հավատարմագրային կառավարչի ամսական վարձատրության չափը կլինի 7 միլիոն դրամ: Պայմանագրում նշված է նաև, որ եթե ընթացիկ տարվա ընթացքում Երևան համայնքի բյուջե մուտք եղած՝ ավտոկայանատեղի տուրքի և դրա չվճարման հետևանքով գանձված տուգանքի գումարի ընդհանուր համագումարը գերազանցի 1 միլիարդ 200 միլիոն դրամը, ապա հավատարմագրային կառավարչին՝ այս դեպքում «Լոկատոր» ընկերությանը, որպես լրացուցիչ վարձատրություն, վճարման ենթակա կլինի 1 միլիարդ 200 միլիոն դրամը գերազանցող գումարի 10 %–ի չափով գումար: Երևանի համայնքի բյուջե 1 միլիարդ 200 միլիոն դրամից պակաս գումար մուտքագրված լինելու դեպքում՝ հավատարմագրային կառավարիչը տուգանք կվճարի՝ հավաքագրված և 1 միլիարդ 200 միլիոն դրամի տարբերությունը կազմող գումարի 10%–ի չափով:
««Փարկինգ Սիթի Սերվիս» ընկերությունը հեղինակավոր աուդիտորական կազմակերպության միջոցով գնահատել է իր կատարած ներդրումները, ակտիվներն ու պարտավորությունները, իսկ Երևան համայնքը որպես նվիրատվություն ձեռք է բերում ՓԲԸ–ի 100% բաժնեմասը՝ այն տրամաբանությամբ, որպեսզի արդեն Երևանի ենթակայությանն անցած ընկերությունը ստանձնի ակտիվներին համարժեք փոխառու միջոցների մարման պարտավորությունը: Ըստ ներկայացված տեղեկատվության՝ 2016 թ. նոյեմբերի 30–ի դրությամբ «Փարկինգ Սիթի Սերվիս» ընկերության ակտիվների արժեքը կազմում է 2 միլիարդ 12 միլիոն դրամ, իսկ պարտավորությունները՝ 2 միլիարդ 1 միլիոն դրամ»,– ասված է որոշման նախագծի մեջ։
Շարունակությունը` «Փաստ» օրաթերթի այսօրվա համարում:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
