«Մայր Հայաստան» դաշինքը խստորեն դատապարտում է Գարիկ Գալեյանին ազատությունից զրկելու՝ իշխանությունների ռեպրեսիվ գործելակերպը
«Մայր Հայաստան» դաշինքը խստորեն դատապարկում է Նիկոլ Փաշինյանի գլխավորած իշխանության վախեցած-ռեպրեսիվ գործելակերպը, որի նոր դրսևորումը եղավ 44-օրյա պատերազմում հերոսաբար զոհված Մխիթար Գալեյանի հորը՝ Գարիկ Գալեյանին ազատությունից զրկելու և շինծու մեղադրանքներով կալանավորելու մասին որոշումը:
«Մայր Հայաստան» դաշինքն արձանագրում է.
- Գարիկ Գալեյանը բազմիցս հրապարակավ հանդես է եկել գործող իշխանության հասցեին ամենասուր քննադատությամբ:
- Նա զոհված զինվորականների ծնողներին միավորող «Որդիների կանչ» ՀԿ հիմնադիր անդամ է:
- Փաշինյանական իշխանության ռեպրեսիվ մարմինների՝ Գարիկ Գալեյանի դեմ իրականացվող հետապնդումներն ակտիվացան անմիջապես այն բանից հետո, երբ «Որդիների կանչ» ՀԿ-ն հայտարարեց Երևանի ավագանու սեպտեմբերի 17-ի ընտրություններում «Մայր Հայաստան» դաշինքին աջակցելու մասին:
Հիմնվելով այս ակնհայտ իրողությունների վրա, «Մայր Հայաստան» դաշինքը հայտարարում է.
«Որդիների կանչ» ՀԿ անդամ, պատերազմում զոհվածի հայր Գարիկ Գալեյանի հանդեպ իշխանություններն իրականացնում են քաղաքական հետապնդում:
Միաժամանակ, հաշվի առնելով Գարիկ Գալեյանի առողջական վիճակը՝ նրան կալանավորելու որոշումը գնահատում ենք որպես անմարդկայնության ծայրահեղ դրսևորում:
Այսպիսի ռեպրեսիվ մեթոդներով իշխանությունը նպատակ ունի նաև ահաբեկել հասարակությանը:
Սա պատասխանատվության ենթարկվելու անխուսափելի ու մոտալուտ հեռանկարից սարսափած բռնապետական ռեժիմի պահվածք է:
«Մայր Հայաստան» դաշինքը պահանջում է վերանայել Գարիկ Գալեյանին կալանավորելու որոշումը:
Միաժամանակ, «Մայր Հայաստան» դաշինքն աջակցություն է հայտնում գործող ռեժիմի կողմից քաղաքական հետապնդումների ենթարկվող հայրենակիցներին և քաղբանտարկյալներին: Մեր պայքարը նպատակաուղղված է այս ռեժիմից Հայաստանն օր առաջ ազատագրելուն, նշանակում է, նաև՝ քաղբանտարկյալների ազատվելու պահը մոտեցնելուն:
«Մայր Հայաստան» դաշինք
9 սեպտեմբերի 2023թ․
Երևան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
