Հակոբ Հակոբյան. «Ինձ համար մեծ պատիվ կլինի լինել Գագիկ Ծառուկյանի կողքին». «Փաստ»
«Փաստ» օրաթերթը գրում է.
ԱԺ նախկին պատգամավոր Հակոբ Հակոբյանը (Ճոյտ) թեև քաղաքական բոլոր ուժերի հետ հանդիպումներ է ունենում և քննարկումների մասնակցում, սակայն դեռևս վերջնական որոշում չի կայացրել, թե իր քաղաքական գործունեությունը որ ուժի հետ կծավալի: «Փաստին» նա ասաց, որ այդ մասին իր վերջնական որոշումը կհրապարակի հունվարի 20–ից հետո:
«Այս պահին դեռ չեմ կարող ոչինչ ասել, թե քաղաքական որ ուժին նախընտրություն կտամ, բայց ինձ համար մեծ պատիվ կլինի, որ Գագիկ Ծառուկյանի կողքին լինեմ: Ես Գագիկ Ծառուկյանին հարգում եմ, նրա գործունեությունը բարձր եմ գնահատում: Թող յուրաքանչյուրն էլ կարողանա Գագիկ Ծառուկյանի կատարածի կես տոկոսի չափով օգուտ տալ մեր երկրին»,– ասաց Հ. Հակոբյանը:
Էջմիածնի քաղաքապետի ընտրությունների ժամանակ ծագած տարաձայնությունների հետևանքով գրանցված միջադեպի մասին տեղեկացրեց, որ ինքը թեև պաշտպանել է քաղաքապետի թեկնածու Արթուր Թումանյանին, սակայն գործող քաղաքապետի և քաղաքապետի թեկնածուի միջև ծագած հարցերի պատճառով ինքը որևէ խնդիր չի ունեցել:
«Ես գիտեմ, որ այդ միջադեպից հետո գործերը երկու մասի են բաժանել: Մի մասը գտնվում է քննչական փուլում, մյուս մասն արդեն դատարանում է: Ավելին չգիտեմ, քանի որ չեմ հետաքրքրվում: Իմ գործը զուտ քաղաքական պայքարն է եղել: Կրակելու, ահաբեկելու, մարդուն գողանալու ձևերով մենք երբեք չենք մասնակցել ընտրություններին, իսկ եթե մարդիկ նման բաներ են արել, թող գնան ու պատասխան տան»,– ասաց Հ. Հակոբյանը:
Նա դժվարացավ ասել, թե հանրությունն իրեն ապագա խորհրդարանում կտեսնի, թե՝ ոչ, քանի որ ժողովուրդը պետք է նման ցանկություն հայտնի, իսկ ցանկություն դրսևորելու դեպքում Հ. Հակոբյանն այն մեծ սիրով կընդունի:
Խոսելով ՀԱԿ առաջնորդ, ՀՀ առաջին նախագահ Լևոն Տեր–Պետրոսյանի վերջին ելույթի ժամանակ հնչեցրած՝ ազատագրված տարածքներն Ադրբեջանին հանձնելու հայտարարության մասին, նախկին պատգամավորն ասաց, որ նման մոտեցումն իր համար ընդունելի չէ և որևէ մեկը նման առաջարկի հետ չի կարող համաձայնել:
«Այդ ամենի մասին սիրողական մակարդակով պետք չէ խոսել և դրանով փորձել հերոսանալ կամ հայրենասեր երևալ: Այդ մասին կարող է տեսակետ հնչեցնել միայն ՀՀ գործող նախագահը, ով տիրապետում է արտաքին և ներքին ողջ տեղեկատվությանը: Այլ անձանց կողմից Արցախի հիմնահարցի մասին հնչեցված կարծիքը շոու է: Եվ պետք է այդ մեկ հարցի շուրջ բոլորը համախմբվեն ՀՀ նախագահի շուրջ և սատարեն նրան»,– ասում է Հ. Հակոբյանը:
Խմբ. կողմից.– Աբսուրդն այն է, որ ամենագետ Ճոյտը Լևոն Տեր–Պետրոսյանի խոսքը «սիրողական մակարդակ» է համարում:
Շարունակությունը` «Փաստ» օրաթերթի այսօրվա համարում:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
