Չարբախում վիճաբանությունն ավարտվել է 19-ամյա տղայի սպանությամբ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ օգոստոսի 24-ին, սպանություն է տեղի ունեցել Երեւանում։ Այս մասին հաղորդում է shamshyan.com-ը:

Ժամը 01։00-ի սահմաններում ՀՀ  Ներքին գործերի նախարարության Ոստիկանության Շենգավիթի բաժին ահազանգ է ստացվել «Սուրբ Աստվածամայր» բժշկական կենտրոնից, որ իրենց մոտ է տեղափոխվել մի քաղաքացի, ով գիտակցության չգալով մահացել է։

Ոստիկաններն ու քննիչները պարզել են, որ մահացածը Երեւանի բնակիչ 19-ամյա Նարեկ Գ.-ն է։

Պարզվել է, որ նույն օրը՝ ժամը 00։40-ի սահմաններում Հ. Հովհաննիսյան փողոցի 119 շենքին հարակից զբոսայգում վիճաբանություն է տեղի ունեցել Նարեկ Գ.-ի եւ Երեւանի բնակիչ 17-ամյա Արթուր Բ.-ի միջեւ, որի ժամանակ էլ վերջինս իր մոտ եղած սուր կտրող ծակող առարկայով հարվածել է Նարեկ Գ.-ի կրծքավանդակին, ինչն էլ դարձել է մահվան պատճառ։

Դեպքի վայրում՝ զրուցարանի մոտ, հայտնաբերվել է գարեջրի մոտ 30 դատարկ շիշ, հողաթափ եւ գլխարկ, որոնք քննիչն առգրավվել է։ Դեպքի փաստով Շենգավիթի քննչական բաժնում սպանություն հատկանիշներով նախաձեռնվել է քրեական վարույթ։

Ավելին՝ այստեղ