Մարտունիում սադրանք են հրահրել, փորձել ծեծկռտուք սարքել, խոչընդոտել «Հայաքվեի» ընթացքը
Արդեն երրորդ օրն է, ինչ նաև Մարտունիում՝ քաղաքապետարանին ենթակա Մշակույթի պալատում, «Հայաքվեի» ստորագրահավաքն է անցկացվում: Նախաձեռնության անդամ Նաիրի Հոխիկյանն ասում է՝ առաջին երկու օրերին բավականին մեծ հոսք կար: «Այսօր առավոտյան մեզանից 50 մետր հեռավորության վրա հավաքվել էին ինչ-որ անձինք: Մարդկանց համոզում էին, ասում՝ մի՛ գնացեք, ստորագրեք: Դա Արցախի հետ կապ չունի, ձեզ խաբում են և այլն, մարդկանց ապակողմնորոշում են: Դրանից բացի, մի քանի հոգի մոտեցան, շատ կոշտ, ագրեսիվ ձևով, թե՝ հավաքեք ինչ կա չկա ու այստեղից գնացեք, սկսեցին մեր աղջիկներին վիրավորել: Մոտեցա՝ ի՞նչ է եղել, թե գնա, դու դաշնակ ես, մենք դաշնակներին... ու հայհոյեցին: Արձագանքեցի՝ ես որևէ կուսակցության չեմ պատկանում, երկրորդ՝ դա ի՞նչ կապ ունի: Պատասխանեցին՝ դուք խաբում եք մարդկանց, սա Ղարաբաղի հետ կապ չունի, և ուզում էին ստորագրությունների թղթերը խլել: Բնականաբար, թույլ չտվեցի, փորձեցին հրել, հասկացա, որ նպատակը ծեծկռտուք սարքելն է, թույլ չտվեցի: Մարդկանց տեղեկատվական թերթիկն էի ցույց տալիս, ասում, որ սա որևէ կուսակցության հետ կապ չունի: Ասում էին՝ Քոչարյանի հետ կապ ունի, բացատրեցի, որ ոչ մեկի հետ կապ չունի, սա «Հայաքվե» նախաձեռնությունն է, որին աջակցում են նաև քաղաքական տարբեր ուժեր: Տեղեկատվական թերթիկները պատռեցին:
Մինչև ոստիկանության գալը, եկող մարդկանց ասում էին՝ մի ստորագրեք, սա խաբեություն է: Հետո տեղեկություն ստացա, որ քաղաքում մտնում են տարբեր տեղեր, կազմակերպություններ, պետական հիմնարկներ ՔՊ-ի կամ գոնե իշխանության ներկայացուցիչները, կոնկրետ չգիտեմ, մարդկանց սպառնում են, որ հանկարծ չգնան ու չստորագրեն: Ոստիկանությունն արձանագրեց, նրանց ներկայությամբ ևս տվյալ անձինք սկանդալ սարքեցին, էլի հայհոյեցին, վիրավորեցին, ոստիկանությունը դա ևս արձանագրեց, քաղաքապետարանի ներկայացուցիչն այստեղ էր, պահանջեցի, որ նա նույնպես արձանագրի, սակայն հրաժարվեց: Ստացվում է, որ իշխանության ներկայացուցիչը հրաժարվեց արձանագրել»,-նշում է Հոխիկյանը: Ընդգծում է՝ ստորագրահավաքը շարունակվում է, բայց մարդկանց ահաբեկում են և չեն թողնում, որ նրանք գան: «Առաջին երկու օրը բավականին մեծ ակտիվություն կար, այսօր մարդիկ գալիս են, մոտենում, ասում՝ կներեք, մեզ զգուշացրել են, ասել, որ չստորագրենք, չենք կարող ստորագրել: Երբ մարդիկ նաև մոտակայքով անցնում են և հրավիրում ենք նախաձեռնությանը ծանոթանալու, խուսափում եմ»,-եզրափակեց նախաձեռնության անդամը:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
