Արցախը պետք է հնարավորություն ունենա ինքնուրույն որոշել իր հետագա ճակատագիրը. Ավետիք Չալաբյան
Քաղաքական-հասարակական գործիչ, «Համախմբում» շարժման խորհրդի անդամ Ավետիք Չալաբյանը ֆեյսբուքյան իր էջում գրում է.
Անցած շաբաթ Արցախի միջազգային ճանաչման հրամայականի հարցով անցկացված մեր համաժողովը, ի թիվս այլոց, հստակ արձանագրել էր, որ կեղծ են գործող իշխանության ներկայացուցիչների այն պնդումները, որ միջազգային հանրությունը Արցախը տեսնում է միայն Ադրբեջանի կազմում, և ՀՀ իշխանություններին մղում է հրաժարվել միջազգային հարթակներում Արցախի ինքնորոշման իրավունքի պաշտպանությունից:
Չանցավ մեր համաժողովի հայտարարության հրապարակումից ընդամենը երկու օր, երբ Գերմանիայի ֆեդերալ կանցլեր (վարչապետ) Օլաֆ Շոլցը հայտարարեց տառացիորեն հետևյալը՝ «Ստատուս քվոն չի կարող շարունակվել, և պետք է երկարաժամկետ լուծման հանգել՝ ի բարօրություն մարդկանց: Այս տեսանկյունից անհրաժեշտ է հասնել խաղաղ հանգուցալուծման, Հայաստանի և Ադրբեջանի տարածքային ամբողջականության, ինչպես նաև ԼՂ-ի քաղաքացիների ինքնորոշման իրավունքի տեսանկյունից: Ընդ որում, այս բոլոր սկզբունքները հավասարազոր են»:
Սա Մադրիդյան սկզբունքների վերահաստատումն է, որը Արցախի ժողովրդի ինքնորոշման իրավունքը դնում է նույն բարձրության վրա, ինչպիսին Ադրբեջանի տարածքային ամբողջականությունն է, և ընդունում է, որ Արցախը պետք է հնարավորություն ունենա ինքնուրույն որոշել իր հետագա ճակատագիրը: Սա նաև ցույց է տալիս, որ քաղաքակիրթ երկրները որևէ կերպ մեզ չեն պարտադրում Արցախը թողնել Ադրբեջանի կազմում, և մենք ունենք հզոր կռվաններ՝ Արցախի ազատության և միավորված Հայաստանի պետականության համար մեր պայքարը շարունակելու համար:
Իրականում, այս պայքարում թե հաղթանակը, թե պարտությունը մեր ներսում է, և եթե մենք հաղթենք մեր ներսում թուլամորթ, ագահ, ծույլ ու սուտասան տեսակին, միջազգային հանրությունը հենց մեր թիկունքին կկանգնի: Ուստի մեր պայքարը շարունակվում է նոր թափով, մինչ այդ շնորհակալ եմ կանցլեր Շոլցին՝ արդարամիտ դիրքորոշման և հստակ ուղերձի համար:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
