Դուռը բաց է եղել, զինվորները զորանոցից դուրս չեն եկել. ի՞նչ ցուցմունք է տվել սպան

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Երեկ Այրվածքաբանության կենտրոնում հարցաքննվել եւ ցուցմունք է տվել հունվարի 19-ին Ազատ գյուղի կացարանում հրդեհից զոհված 15 զինծառայողների մահվան գործով անցնող սպան՝ Եղիշե Հակոբյանը: Այս մասին «Հրապարակին» հայտնեց Եղիշե Հակոբյանի փաստաբան Հովսեփ Սարգսյանը:

Փաստաբանը նշեց, որ Եղիշե Հակոբյանը հարցաքննվել է` ներկայացնելով դեպքի մանրամասները. «Եղիշե Հակոբյանը ցուցմունքում նշել է, որ վառարանն իսկապես վառվել է բենզինով: Սուրճի բաժակի չափով բենզին է լցրել, լցրել է վառարանի մեջ, վառարանը չի վառվել, որից տասը վայրկյան անց բոց է բռկնվել: Դրանից հետո բենզինով տարան, որի մեջ 2.5 լիտր բենզին է եղել, բռնկվել է: Հրդեհը բռկնվել է բենզինով վառարան վառելուց, դա միանշանակ է, սակայն մահվան պատճառների մասին Եղիշեն որևէ բան ասել չէր կարող, քանի որ նշում է, թե վառվելու ընթացքում անմարդկային բարձր ձայներ է հանել: Դուռը եղել է բաց, բայց տղաները դուրս չեն եկել զորանոցից: Ես չեմ կարող ասել՝ տղաները քնա՞ծ են եղել, թե՞ ոչ, սակայն մտել են ներս, բղավել են՝ «դուրս եկեք․ հրդեհ է», 20 րոպե անց նոր կրակը ննջարան է հասել, բայց տղաներն այդպես էլ դուրս չեն եկել»- նշեց փաստաբանը: