Մեզնից յուրաքանչյուրը պետք է շարունակաբար կատարելագործի իր մարտական հմտությունները․ Ավետիք Չալաբյան
Հասարակական-քաղաքական գործիչ Ավետիք Չալաբյանը ֆեսբուքյան իր էջում գրել է․
Այսօրվա առաջին կեսը ընկերներիս հետ անցկացրել եմ Երևանի մոտակայքում գտնվող «Ազատազեն» հրաձգարանում՝ կատարելագործելու մեր կրակային հմտությունները: Ինձ անչափ ուրախացրեց և ոգևորեց այն, որ առավոտ կանուխ այնտեղ արդեն հավաքվել էին մի քանի հարյուր հայ տղամարդիկ (և նույնիսկ մի քանի հայ կանայք), լավ հանդերձավորված, ժամանակակից սպորտային և նաև մարտական սպառազինությամբ, և ամենայն լրջությամբ և հետևողականությամբ աշխատում էին սեփական հմտությունների վրա:
Ինքս էլ մի շարք թիրախներ խոցելուց հետո, մի քիչ մրսած, մի քիչ հոգնած, բայց մեծ բավականությամբ հանգստանում եմ այս լուսանկարում՝ կատարած աշխատանքից հետո: Համոզված եմ, ու մեզնից յուրաքանչյուրը, ով փոքր ինչ սթափ տրամաբանություն ունի, պետք է շարունակաբար կատարելագործի իր մարտական հմտությունները, ամրացնի իր մարմինը, կոփի իր ոգին, իսկ մենք բոլորս՝ հզորացնենք մեր երկիրը և դարձնենք այն անառիկ ամրոց:
Այս ուղղությամբ դեռ անսահման շատ գործ կա անելու, բայց գործը տրվում է այն անողին, և պետք է ամեն օր ինքներս մեզ միշտ հարց տանք՝ այսօր ինչ գործ եմ արել, որ պաշտպանեմ մեր հրաշք երկիրը, մեր փառահեղ ժառանգությունը, մեր անգին ազատությունը, մեր սերուդների արժանապատիվ ապագան:
Մինչ այդ, շնորհակալություն եմ հայտնում բոլոր նրանց, ում հետ անցավ այսօրվա օրը՝ դուք ինձ ուժ ու վստահություն եք տալիս, և հավատ՝ մեր վաղվա հաղթանակներին!
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
