Ռուբեն Վարդանյանը բավական կոշտ քննադատել է Հայաստանի իշխանություններին
Արցախի պետնախարար Ռուբեն Վարդանյանը բավականին կոշտ քննադատել է Հայաստանի իշխանություններին։
Ֆեյսբուքյան իր էջում Ռուբեն Վարդանյանը գրում է, թե ՝«Հայաստանի և Ադրբեջանի ղեկավարների երեկվա ելույթները հաստատեցին, որ Արցախի համար միակ հնարավոր ընտրությունը պայքարն է»։
Ռուբեն Վարդանյանը կոչ է արել պայքարել Հայաստանի քաղաքացիների աջակցությամբ, որով վերջին ընտրություններում քվեարկել են քաղաքական այն ուժերի օգտին, որոնք իրենց ծրագրերում հայտարարել են Արցախի լիակատար աջակցության մասին, պայքարել Սփյուռքի ակտիվ աջակցությամբ, որը ծայրահեղ իրավիճակներում միշտ հայրենիքի կողքին է եղել, նաև կոչ է արել միջազգային հանրությանը կանգնել Արցախի կողքին՝ պաշտպանելով Արցախը բնաջնջումից և բռնազավթումից։
Ըստ էության, պետնախարաը հավասարության նշան է դնում Նիկոլ Փաշինյանի և Իլհամ Ալիևի ասուլիսների միջև, փաստում, որ նրանց երկուսի գործողություններն ու հայտարարությունները սինխրոն են և ուղղված ոչ միայն Արցախի, այլ նաև Հայաստանի դեմ։
Բնականաբար, Ռուբեն Վարդանյանի այս հայտարարությունը պետք է արժանանար Հայաստանի իշխանությունների և նրանց սպասարկուների բուռն հակազդեցությանը, ուստի և ֆեյսբուքյան այս գրառումից անմիջապես հետո Հայաստանի գործող վարչախմբի ներկայացուցիչները, ինչպես և նրանց արբանյակ կուսակցությունների ղեկավարները մեկը մյուսի հետևից սկսեցին քննադատել Ռուբեն Վարդանյանին՝ պահանջելով մեկուսացնել վերջինիս Արցախից։
Պետնախարարը նաև հարցազրույց է տվել ամերիկյան հեղինակավոր «The American Conservative» պարբերականին։ Հարցին, թե որքանո՞վ է իվիճակի օգնելու Երևանի կառավարությունը, Ռուբեն Վարդանյանը բավական մեղմ և դիվանագիտական պատասխան է տվել, թե Հայաստանն ինքն էլ բախվում է մարտահրավերների Ադրբեջանի հետ։
Հայաստանի կառավարությունն ու հայ հասարակությունը սահմանափակ ռեսուրսներ ունեն։ Միևնույն ժամանակ Ռուբեն Վարդանյանը վերահաստատել է, չնայած բոլոր դժվարություններին և ստեղծված բոլոր վտանգներին, Արցախում ապրելու իրենց պատրաստակամությունը. «Կմեռնենք, բայց մեր հայրենիքում կմնանք», - ասել է Արցախի պետնախարարը։
Վերջինս բավական պինդ է տրամադրված և իր քայլերով ապացուցում է , որ պատրաստ է ընդհուպ առճակատման գնալ փաշինյանական ապիկար և դավաճանական ռեժիմի հետ՝ Արցախի բնակչության շահերը պաշտպանելու հարցում։
Սերինե Բադալյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
