Դավիթ Բաբայանը նորից չափերն անցնում է. 18+

Մեկ անգամ չէ, որ գրել ենք Արցախի նախագահի մամլո խոսնակ Դավիթ Բաբայանի «դարակազմիկ» մտքերի մասին։ Երբեմն թվում է, թե Արցախում պաշտոնյաների ու հատկապես մամլո խոսնակների դեֆիցիտ կա։ Երբ կարդում ես այդ մարդկանց արտահայտած մառազմատիկ մտքերը, արդեն չգիտես, թե ինչ բնութագրումներ տաս։ Նրանք իրոք չափն անցնում են ու իրենց սիրելի՝ սովետական տերմինով ասած՝ դուրս գրելու ժամանակն է։ Ի՞նչ է եղել այս անգամ։ Դավիթ Բաբայանն իր ֆեյսբուքյան էջին գրառում է արել Ապրիլյան պատերազմի մասին։ Ֆեյսբուքյան օգտատեր Գարեգին Սարգսյանն հիշեցրել է 800 հեկտարի մասին, ինչին ի պատասխան ստացել է այս բովանդակությամբ նամակը, որը կներկայացնենք ստորև։

Ինչպես տեսնում եք, Բաբայանը ոչնչով չի տարբերվում քուչի կռիվ անող տգետ կնոջից։ Մեր թաղում մի անգրագետ Պզիկ ունեինք, ով դպրոց չէր գնացել ու խոսքում միշտ գերակշռում էր հայհոյանքը։ Թերևս փոքրիկ Պզիկն ավելի կիրթ կարտաբերեր այն միտքը, որը փորձել է գրել քափսուլքահայ Բաբայանը։ Իսկ այդ նախադասության մեջ ասվում է.«Լսի, այ փսլինքոթ խլինք, սիկտիր, էլ իմ էջ չմտնես, երնեկ ինձ էլի, ամեն մի կեղտ իրեն (լատինատառ տեքստում՝ irek, տեքստը վերծանող մասնագետները կարծում են, որ այն սեպագիրը փորագրողի սխալն է) բանի տեղ դրած դուրս է տալիս, ախմախ»։ Այս մտքից հետո, նա օգտագործել է ֆեյսբուքի արգելափակում ֆունկցիան ու արգելափակել ընթերցողին։ Եթե անգամ խոսենք այս իշխանությունների լեզվամտածողության մակարդակով, ապա քրֆել-թռնել չկա, ինչը սույն պարագայում արել է պետության մամլո խոսնակը։

Ի՞նչ ասես այս մարդկանց, որ որևէ կերպ հասկանան, որ չի կարելի նման գործելաոճ։

Ատոմ Ոսկանյան, Armenia24.info