Հայտնի են դարձել Անապայում հայ տղամարդու և նրա 5-ամյա դստեր խեղդվելու հանգամանքները (լուսանկար)
Հայտնի են դարձել Անապայում հուլիսի 8-ին հայ տղամարդու և նրա հնգամյա դստեր խեղդվելու հանգամանքները, գրում է bloknot-krasnodar.ru-ն:
Ավելի վաղ հայտնի էր դարձել, որ Անապայում՝ Վիտյազևո գյուղի շրջանում, հուլիսի 8-ին փրկարարները ջրից դուրս են բերել հայ տղամարդու և նրա հնգամյա դստեր մարմինները: Հաղորդվել էր, որ տղամարդը երեք երեխաների հետ կատամարանով դուրս է եկել ծով: Դեպքը տեղի է ունեցել ափից 150-200 մետր հեռավորության վրա:
Զոհերի հարազատները վրդովված են ԶԼՄ-ներում տարածված դեպքի պաշտոնական վարկածից:
«Ամեն ինչ սուտ է, չեն եղել հոգեբաններ, և նրանց ոչ մեկ չի փրկել»,-լրատվամիջոցին ասել է մահացած տղամարդու բարեկամը՝ Թերեզան:
Նա հայտնել է, որ տղամարդը մահացել է սրտի կանգից՝ փորձելով գտնել ու փրկել ջուրն ընկած աղջկան:
«Նա, իր երկու երեխաները՝ Դիանան և Դավիթը, ևս մեկ երեխա, նրանց բոլորին նստեցրել են մի կատամարանի վրա: Նրանց չեն տվել փրկարար բաճկոններ՝ չնայած միշտ տալիս էին: Նրանց ծով են բաց թողել, 15 աստիճան ջերմությամբ ջուրը: Նրանց ավելի ու ավելի հեռու է տարել, փրկարարներից ոչ մեկ նրանց չի հետևել»,- պատմել է Թերեզան:
Նրա խոսքով՝ տղամարդը ծովում խաղալիս է եղել որդու՝ փոքր Դավիթի հետ, ով նավակից ցատկել է ծովը, որտեղ նրան բռնում էր հայրը: Այդ խաղի ընթացքում կատամարանի մյուս կողմից ջուրն է նետվել նաև Դիանան: Հայրը բռնել է որդուն, լողալով հասել դեպի աղջկա կողմ, բայց նա արդեն այդտեղ չի եղել: Նա մի քանի անգամ սուզվել է ջուրը, բայց չի գտել աղջկան: Նա օգնություն է կանչել, բոլորը գոռացել են, ձեռքով թափահարել՝ փորձելով գրավել ափին գտնվողների ուշադրությունը, բայց բոլորն անտարբեր են եղել, պատմել է Թերեզան:
Տղամարդը մահացել է վախից և խուճապից, նրա սիրտը չի դիմացել մտքին, որ չի կարողացել գտնել դստերը: «Աղջիկն այնքան չէր սիրում ծովը, վախենում էր ջրից, արդյունքում՝ ծովն էլ նրան տարավ...»,- ասել է նա:
Թերեզան նաև հավելել է, որ այդ օրն արգելված է եղել ծով դուրս գալ, եղել են ստորջրյա հոսանքներ, ոչ մեկ նրանց չէր ասել այդ մասին:
Նա նաև իր վրդովմունքն է հայտնել փրկարար և շտապօգնության ծառայություններից, որոնք, նրա խոսքերով, չեն շտապել դեպքի վայր: Աղջկա մարմինը մայրն ինքնուրույն է տարել դիարան:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
