Խաղաղության հաստատման հնարավորությունը միայն մեր ուժի և համախմբվածության մեջ է․ Ռուբեն Վարդանյան
«Միայն կարգապահ ու կազմակերպված աշխատանքով է հնարավոր դիմակայել Արցախի առջև ծառացած մարտահրավերներին»։ Արցախի պետնախարար Ռուբեն Վարդանյանն այդ մասին ասել է երեկ Ասկերանի շրջանի վարչակազմում ունեցած աշխատանքային խորհրդակցության ընթացքում, ուր ժամանել էր ծանոթանալու հրատապ խնդիրներին։
Խոսելով անվտանգության խնդիրների մասին՝ պետնախարարը նշել է, թե՝ «Խաղաղության հաստատման հնարավորությունը միայն մեր ուժի և համախմբվածության մեջ է: Ոչ մի պայմանագիր չի կարող լուծել այդ հարցը, քանի որ ունենք հարևան պետություն, որը չի ուզում, որ մենք այստեղ ապրենք: Մենք պետք է դառնանք ուժեղ, համախմբված, որպեսզի իրենք չկարողանան հարցը լուծել մեզ համար անընդունելի եղանակով: Մենք պետք է շարունակենք մեր պայքարը բոլոր ուղղություններով՝ դիվանագիտական, ռազմական, քաղաքական, տեղեկատվական»,-ասել է Ռուբեն Վարդանյանը։
Չի շրջանցվել նաև Գորիս-Ստեփանակերտ ճանապարհի փակման միջադեպի հարցը, պետնախարարը նշել է, թե մենք նման սադրանքների պետք է պատրաստ լինենք, դրա դեմ պետք է պայքարենք բոլոր միջոցներով: «Այս իրականությունը մեզնից բոլորովին այլ մոտեցումներ է պահանջում՝ թե՛ խնդիրների ախտորոշման, թե՛ որոշումների կայացման, թե՛ ընդհանուր գործելաոճի հարցում: Մենք շատ լուրջ վտանգներ և մարտահրավերներ ունենք, բայց ես վստահ եմ, որ մենք դրանք հաղթահարելու ենք: Մեր պայքարը շարունակվում է մեր հողի վրա ապրելու իրավունքի, մեր երեխաների ապագայի համար: Եվ սա ողջ հայության պայքարն է»,- արձանագրել է Արցախի պետնախարարը։
Վերջինիս այս արձանագրումները կարելի իրավիճակի հստակ ախտորոշում համարել, պաթետիկ և վերամբարձ բառերի փոխարեն պետնախարարը կարգապահության և կազմակերպված աշխատանքի կոչ է անում, ավելին, նա հենց ինքն էլ վարչակազմի ղեկավարների հետ ամենօրյա ռեժիմով խորհրդակցությունների մեխանիզմ է ներդրել, որը հնարավորություն է տալիս անձամբ լսել իրավիճակի, հրատապ խնդիրների մասին։ Ահա այսպես ողջամիտ, պրագմատիկ լուծումներով է հնարավոր բեկել իրավիճակը Արցախում, հնարավորություն ստեղծել Արցախցում գոյատևելու, զարգանալու և դիմագրավելու բոլոր մարտահրավերներին։
Հենց սա է տարբեր ճառասացների տարբերությունը Արցախի գործող պետնախարարից և վերջինս արդեն իր աշխատանքի կարճատև ընթացքում լրջագույն փոփոխությունների հիմքն է դրել, որոնց հետագա զարգացումը կարող է փոխել իրավիճակը։
Լինա Արամյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
