Մենք մեր ողջ ջանքերը պետք է դնենք սեփական ռազմական ներուժը վերականգնելու և բազմապատկելու վրա․ Ավետիք Չալաբյան
Քաղաքական-հասարակական գործիչ Ավետիք Չալաբյանը ֆեյսբուքյան իր էջում տեսանյութ հրապարակել և կից գրել.
Մեկ տարի առաջ այս օրը Ազգային ժողովի ամբիոնից ելույթ ունենալով, ես կոչ արեցի բոլոր քաղաքական ուժերին, անկախ իրենց հնարավոր և անհնարին տարաձայնություններից, կենտրոնանալ մեր բանակի մարտական կարողությունների վերականգման վրա, զգուշացնելով, որ այլապես մեզ նոր կորուստներ են սպառնում ակնհայտ դարձող աշխարհաքաղաքական ապակայունացման պայմաններում:
Մեկ տարի անց բոլոր այդ կանխատեսումները, ցավոք, իրականություն են դարձել՝ թշնամուն են հանձնվել Քարագլուխը, Բերձորն ու Աղավնոն, նա լկտիաբար մտել է Հայաստանի Հանրապետության տարածքը և սպառնում է մեր բազմաթիվ բնակավայրերի ու ճանապարհների, այսօր էլ սպառնում է փակել Լաչինի միջանցքը:
Այս թշնամին միայն մի լեզու է հասկանում՝ ուժի լեզուն, և նրան կարող է կանգնեցնել և ետ շպրտել միայն կազմակերպված, մարտունակ և անվեհեր հայկական ռազմական ուժը:
Այսօր էլ մեկ տարի առաջ ասած յուրաքանչյուր խոսքս արդիական է, և մենք մեր ողջ ջանքերը պետք է դնենք սեփական ռազմական ներուժը վերականգնելու և բազմապատկելու վրա:
Ամեն օր, ամեն ժամ մենք պետք է աշխատենք՝ նորովի կրթելու մեր սպաներին և զարգացնելու նրանց գիտելիքները, մարզելու և իրական մարտական գործողությունների պատրաստելու մեր զինվորներին, գերարդիական սպառազինություն ձեռք բերելու և յուրացնելու, և սեփական ռազմարդյունաբերությունը առաջանցիկ կերպով զարգացնելու վրա:
Ուրախալի է, որ այս ուղղությամբ բանակում վերջին երկու ամիսներին որոշ տեղաշարժեր արդեն սկսվել են, սակայն արվածը դեռ կաթիլ է ծովի մեջ: Չի կարելի հոգնել, չի կարելի ծուլանալ, չի կարելի թուլանալ՝ ամեն նոր օր հնարավորություն է նոր բան կառուցելու, նոր բան փորձարկելու, նոր բան սովորելու՝ մինչև նորից մեր բանակը դառնա լավագույնը տարածաշրջանում, նորից դառնա հաղթական բանակ, իսկ մենք՝ հաղթող և հաղթանակի բերկրանքը և վաստակած խաղաղությունը վայելող ազգ:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
