Պատերազմի պատճառը մեր պետության թուլությունն է. Ավետիք Չալաբյան
«Ադրբեջանի հրահրած պատերազմական գործողությունների հիմնական պատճառը մեր պետության թուլությունն է, իսկ այն գործող իշխանության ծայրահեղ ապաշնորհ գործողության արդյունքն է»։
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանն է արել այս արձանագրումը՝ անդրադառնալով ադրբեջանական հարձակմանը և Հայաստանի իշխանությունների վարքին։
Մասնավորապես, խոսելով Նիկոլ Փաշինյանի երեկ Ազգային ժողովում ունեցած ապաշնորհ և ադրբեջանական թեզերն առաջ մղող ելույթի մասին, Ավետիք Չալաբյանը ընդգծել է, թե ցանկացած ձախողում կարելի էր ճարտար լեզվով հիմնավորել, և դա մենք լսում ենք արդեն 2 տարի, սակայն ժամանակն է, որ մեր երկիրը կառավարեն այնպիսի վճռական և կորովի մարդիկ, որոնք ընդունակ են շրջել այս վիճակը և իրական գործով արդեն հիմնավորել մեր ապագա հաջողությունները։
Չալաբյանը նաև խոստանում է ստեղծված իրավիճակի պատճառների և հետևանքների մասին խոսել ավելի ուշ։
Ի տարբերություն գործող իշխանությունների, որոնք առիթը բաց չեն թողնում ընդդիմադիր գործիչներին քննադատելու, սոցցանցերում նրանց հասցեին նույնիսկ այդ ծանր օրով հայհոյանքներ և վիրավորանքներ տարածելու համար, Ավետիք Չալաբյանն ընդգծում է, թե այժմ բոլորս միահամուռ, առանց որևէ խուճապի, վճռականորեն կանգնում ենք մեր բանակի թիկունքին, ըստ անհրաժեշտության համալրում ենք բանակը և դաժան հակահարված ենք տալիս թշնամուն։
«Միայն մեր վճռականությամբ և տոկունությամբ մենք կարող ենք վերջ տալ այս չդադարող ագրեսիային և արժանապատիվ խաղաղություն նվաճել»։
Չալաբյանի այս պնդումը, թերևս միակն ու արդարացվածն է, որ անկախ ամեն ինչից, անկախ քաղաքական հոսանքներից, հայրենիքը մեկն է, և բոլորը պետք է կանգնեն նրա պաշտպանության գործին, մինչդեռ իշխանությունը այս տրիվիալ փաստը գիտակցելու փոխարեն, ընդհակառակը զբաղված է ներքաղաքական գզվռտոցներով, իսկ ադրբեջանական հարձակումն օգտագործում է իր քաղաքական ընդդիմախոսների դեմ հաշվեհարդար իրականացնելու համար։
Օր առաջ պետք է ազատվել փաշինյանական ռեժիմից, որպեսզի վերջնականապես չկորցնենք հայրենիքը։
Հայկ Մելիքյան
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
Կիևն ու Վաշինգտոնը պատրաստվում են ստորագրել համաձայնագիր, որը թույլ կտա ուկրաինական ԱԹՍ-ներ արտահանե...
Ուժեղ Հայաստանի հանդիպումը Գանձասար գյուղում. կեցցե Տավուշի հայ մարդիկ. Հրայր Կամենդատյան
