The Daily Mail-ն անդրադարձել է Մոսկվայի գերեզմանատների «օրենքով գողերի» շքեղ շիրմաքարերին՝ այդ թվում հայերի

Բրիտանական The Daily Mail պարբերականն անդրադարձ Է կատարել Մոսկվայի գերեզմանատներում իրականացված ֆոտոշարքին, որում ներկայացված են ռուս գանգստերների և հանցագործների վերջին հանգրվանները` շրջապատված շքեղ ծաղկեպսակներով և բարձր արձաններով, որոնք հիմնականում կերտված են սև մարմարից: Ինչպես աղբյուրն է բնորոշում` դրանցով փորձ է արվել փոխանցել, որ տվյալ մարդը հզոր դիրք ունի անգամ մահից հետո:

Նշվում է, որ ռուսական մաֆիան հզորացել է Խորհրդային միության փլուզումից հետո՝ 1991 թվականին։

Լուսանկարիչն այցելել է մոսկովյան 5 գերեզմանատուն՝ այդ թվում նաև Հայկական Վագանկովյան գերեզմանոց։ Նշվում է, որ շիրմաքարերը լուսանկարնելն այդքան էլ հեշտ չի եղել, քանի որ որոշ գերեզմաններ հսկողության տակ են գտնվում` նպատակ ունենալով գաղտնի պահել նրանց շռայլ ապրելակերպը հանրությունից:

Որոշ լուսանկարներում կան նաև հայ «օրենքով գողերի» շիրմաքարեր, որոնցից մեկում պատկերված է Վլադիմիր Օհանովը, մյուսում՝ նրա եղբայր Ռուդոլֆը։