ԱՄՆ-ում Թուրքիային անվանել են մեծ սպառնալիք

Այլևս ՄԻ վճարեք հոսանքի համար, անցեք այս հղումով և իմացեք, թե ինչպես` https://4q5w.short.gy/Solaron-old

ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը Թուրքիան անվանել է Արևելյան Միջերկրական ծովի ամենամեծ սպառնալիքը։ Այս մասին հայտնում է «Kathimerini»-ն։

Ամերիկացի սենատորը Թուրքիային ներառել է միջազգային հանրության առջեւ ծառացած գլխավոր մարտահրավերների թվում՝ Չինաստանի, Ռուսաստանի եւ կլիմայի փոփոխության հետ մեկտեղ։

«Չնայած ՆԱՏՕ-ի դաշնակից լինելուն՝ Թուրքիան մարտահրավեր է նետում Հունաստանի ինքնիշխանությանը «Էգեյան ծովում սադրիչ թռիչքներով»», - ասել է նա: Նա կործանիչների կողմից օդային տարածքի խախտումն անընդունելի պահվածք է անվանել ցանկացած պետության համար։

Մենենդեսը խոսել է նաև Թուրքիայի կողմից Կիպրոսի ապօրինի օկուպացիայի մասին։ «Սա ժողովրդավարական երկրի գործողություն չէ, և ինչ վերաբերում է ինձ, ապա չեմ կարծում, որ նրանց պետք է տրամադրվեն արդիականացված սպառազինության համակարգեր ԱՄՆ-ից»,- հավելել է նա։

Մենենդեսը մեղադրել է Թուրքիայի նախագահ Ռեջեփ Թայիփ Էրդողանին թե՛ Արեւելյան Եվրոպայում, թե՛ Հարավային Կովկասում ու Եվրոպայում պառակտիչ քաղաքականություն վարելու մեջ։