2 տասնյակ անշարժ գույք և միլիարդից ավելի գումար ունեցող Գրիգորյանը «VAZ 21213» է վարում. «Փաստ»

«Փաստ» օրաթերթը գրում է.

ԱԺ պատգամավոր վերընտրված Արայիկ Գրիգորյանը, ինչպես և այլ ՀՀԿ–ական պատգամավորներ, անթիվ–անհամար անշարժ գույք է հայտարարագրել: Անթիվ–անհամար խոսքն այստեղ, իհարկե, փոխաբերական իմաստով, սակայն թվով 24 անշարժ գույքը քիչ էլ չէ: Այս մասին տեղեկանում ենք Գրիգորյանի՝ 2017 թ. պաշտոնը ստանձնելու հայտարարագրից:

Այսպես, Գիրգորյանը հայտարարագրել է 24 միավոր անշարժ գուք, որից երկուական բնակարան, մեկական առանձնատուն, ավտոտնակ և հասարակական նշանակության շինություն, մնացածն էլ՝ հողամասեր են: Պարզվում է, այսպիսի մեծ կարողությունների տեր անձնավորությունը նախընտրում է սովետական արտադրության հին ավտոմեքենա վարել: Ամեն դեպքում նա հայտարարագրել է միայն «VAZ 21213» մակնիշի ավտոմեքենա:

Դրամական միջոցները պաշտոնը ստանձնելու օրվա դրությամբ կազմել են 1 միլիարդ 896 միլիոն դրամ և 960 հազար դոլար: Գրիգորյանը նաև բաժնետոմս ունի, որի արժեքը գանահատվում է 66 միլիոն դրամի չափով: Տարեսկզբից մինչև պաշտոնը ստանձնելու օրն ընկած ժամանակահատվածում ստացած եկամուտներն էլ կազմել են 2 միլիոն 203 հազար դրամ և ստացվել աշխատավարձից:

Շարունակությունը` «Փաստ» օրաթերթի այսօրվա համարում