Փաշինյան-Սինանյան տանդեմի նոր «արշավը»՝ ընդդեմ հայկական սփյուռքի
Իրավական ակտերի նախագծերի հրապարակման միասնական կայքում ներկայացվել է «Քաղաքացիության մասին» օրենքում լրացում կատարելու մասին օրինագիծը, որով առաջարկվում է ազգությամբ հայ ՀՀ քաղաքացիություն չունեցող անձի կողմից ՀՀ քաղաքացիություն ձեռք բերելու համար որպես պարտադիր պահանջ սահմանել Հայաստանում վերջին երկու տարվա ընթացքում առնվազն 60 օր օրինական հիմքով բնակվելու կամ գտնվելու հանգամանքը: Այսինքն՝ սա նշանակում է, որ կառավարությունը որոշել է խստացնել սփյուռքահայերի՝ Հայաստանի քաղաքացիություն ստանալու կարգը: Այսօր էլ Ֆրանսիայի հայկական կազմակերպությունների համակարգող խորհրդի նախագահ, ՀՅԴ բյուրոյի անդամ Մուրադ Փափազյանը տեղեկացրել է, որ երեկ արգելվել է իր մուտքը Հայաստան։ Ըստ նրա, դա արվել է Նիկոլ Փաշինյանի հրամանով: Հիշեցնենք, շաբաթներ առաջ Ֆրանսիայում էր Սփյուռքի գործերի գլխավոր հանձնակատար Զարեհ Սինանյանը, ում տեղի համայնքային կազմակերպությունները բավական չոր ընդունելություն էին կազմակերպել, իսկ շատերը նաև բոյկոտել էին հանձնակատարի հետ հանդիպումը:
Ըստ էության՝ Փաշինյանը և Սինանյանը այսօր իրականացնում են մի ծրագիր, որը ուղղակիորեն հակասում է իրենց՝ նախկինում հնչեցրած առաջնահերթություններին: Ներգաղթ խոստացող այս երկու պաշտոնյաները հետագայում հետ կանգնեցին իրենց իսկ խոստումից, ըստ Սինանյանի պարզվեց Հայաստանը դեռևս չունի ներգաղթ կազմակերպելու հնարավորություն, ավելին, նա նույնիսկ դրա կարիքն էլ չէր տեսնում: Սփյուռքի հետ ռազմավարական համագործակցության նոր հորիզոններ խոստացող Փաշինյանն էլ փաստորեն այդ նոր հորիզոնները հենց այսպես է պատկերացնում:
Ակնհայտ է, որ Փաշինյան-Սինանյան տանդեմը վարում է Սփյուռքի մեկուսացման քաղաքականություն և դա հասկանալի է: Հատկապես պատերազմից հետո սփյուռքի մեր հայրենակիցների մոտ բազմաթիվ հարցեր առաջացան բանակի կարիքները հոգալու նպատակով իրենց հանգանակած միլիոնների մսխման կապակցությամբ: Հարցեր որոնց պատասխանները Փաշինյանն ու Սինանյանը չունեն, և բնականաբար ցանկալի չէ, որպեսզի այդ հարցերով հանդերձ սփյուռքահայերը բնակություն հաստատեն Հայաստանում և լիարժեք մասնակցեն ՀՀ կյանքին, ավելին՝ մասնակցեն ընտրություններին:
Այս հանգամանքից զատ կա նաև Թուրքիայի կառավարության բացահայտ պահանջը, շաբաթներ շարունակ թուրքական կողմից մեսիջներ են հնչում առն այն, որ հայ-թուրքական հաշտեցման գործընթացին խանգարում է հայկական սփյուռքը և այդ մեսիջներին ի պատասխան կառավարությունը գնում է նման քայլերի: Զուգադիպությո՞ւն է, դժվար թե...։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չին...
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
