Ավետիք Չալաբյանը կմնա կալանքի տակ
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանի շուրջ իրավական գործընթացները վաղուց դուրս են եկել օրենքի սահմաններից և վերածվել խոշտանգման և քաղաքական հետապնդման ամենաարտառոց միջոցառման։
Երևանի ընդհանուր իրավասության դատարանի դատավոր Արուսյակ Ալեքսանյանը երեկ մասնակի բավարարել է Ավետիք Չալաբյանի կալանավորման ժամկետը երկարացնելու մասին նախաքննական մարմնի միջնորդությունը։ Նախաքննական մարմինը առաջարկում էր կալանքի ժամկետը երկարացնել 1 ամսով, դատավորը, լսելով կողմերին, կայացրել է հերթական ապօրինի որոշումը, որով Չալաբյանի կալանավորման ժամկետը երկարացվել է 15 օրով։
15 օրը լիովին բավարար է, որպեսզի նախաքննական մարմինը կրկին նախաքննություն իրականացնի և գործը ուղարկի դատախազին, ապա և դատարան, որից հետո այլևս կալանքի հարցի քննարկումը կմնա իշխանությունների նշանակած որևէ դատավորի իրավասության շրջանակներում։ Չալաբյանը արդեն 2 ամիս գտնվում է անազատության մեջ, և իշխանություններն ամեն ինչ անում են նրան շատ ավելի երկար կալանքի տակ պահելու համար։
Փաստաբանները, անվանի մարդիկ, հանրային մեծ հեղինակություն վայելող անձինք շեշտում են, որ սա դասական, քաղաքական հետապնդում է, և Ավետիք Չալաբյանը քաղհալածյալ է, իշխանությունները, սակայն, որևէ կերպ մտադիր չեն ընկրկել, նրանք բոլոր միջոցները ձեռնարկում են Չալաբյանին կալանքի տակ պահելու համար։
Չալաբյանի փաստաբանական խումբը ընդգծում է, որ այս գործն այլևս անհնար է որևէ կերպ իրավական շրջանակներում գործ համարել, այն լրիվ անցել է խոշտանգման սահմանները, իսկ մինչ այդ, Ավետիք Չալաբյանը մնում է անազատության մեջ և բանտից հոդվածներով և իր ուղերձներով է ներկայանում հանրությանը։
Նախօրեին նա մասնակցել է դատաքննությանը, փաստերով ջախջախել նախաքննական մարմնի միջնորդության մեջ առկա բոլոր հանգամանքները, ինչը, սակայն, դատավոր Արուսյակ Ալեքսանյանին չի խանգարել ապօրինի վճիռ կայացնել։
Արման Հակոբյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չին...
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
