G7-ի առաջնորդները Ուկրաինայի մասին հայտարարություն են ընդունել

G7-ի երկրների ղեկավարները, որոնց թվում են Մեծ Բրիտանիան, Գերմանիան, Իտալիան, Կանադան, ԱՄՆ-ը, Ֆրանսիան և Ճապոնիան, Բավարիայի Էլմաու ամրոցում կայացած գագաթնաժողովի ժամանակ Ուկրաինային աջակցելու մասին ընդհանուր հայտարարություն են ընդունել, հաղորդել Է ՏԱՍՍ-ը:

G7 երկրները կշարունակեն աջակցել Ուկրաինային, նրա ինքնիշխանությանը և տարածքային ամբողջականությանը։

Ընդունված հայտարարության մեջ ասվում է նաև, որ Ուկրաինան ինքը պետք է որոշում կայացնի հակամարտության խաղաղ կարգավորման մասին՝ առանց արտաքին ճնշման։

G7-ը 2022 թվականին Ուկրաինային կհատկացնի ավելի քան 2,8 միլիարդ դոլար մարդասիրական օգնություն:

G7-ը պատրաստ է աջակցել Ուկրաինայի վերականգնման միջազգային ծրագրին, որը ստեղծվել և իրականացվում է Կիևի կողմից։

Ուկրաինային և Մոլդովային ԵՄ անդամակցության թեկնածուի կարգավիճակ տրամադրելու որոշումը ողջունվում է նաև G7-ի ղեկավարների կողմից։

Բացի այդ՝ ղեկավարները կոչ են արել Ռուսաստանին երաշխավորել Ուկրաինայի նավահանգիստներից գյուղատնտեսական մթերքներով նավերի ազատ անցումը։

G7-ի անդամները պատրաստ են ընդլայնել Ուկրաինայի հետ համագործակցությունը տեղեկատվության փոխանակման, հետախուզության, տեղեկատվության և ծովային անվտանգության ոլորտում։

«Մեծ յոթնյակը» նաև հայտարարել է Ուկրաինային հացահատիկի, նավթի և այլ գյուղատնտեսական ապրանքների արտադրության և արտահանման հարցում աջակցելու իր վճռականության մասին։

Վերջերս հաղորդվեց, որ G7 երկրները սկսելու են Համաշխարհային ենթակառուցվածքների և ներդրումների վերաբերյալ Գործընկերություն (PGII): Այն պետք է դառնա Չինաստանի «Մեկ գոտի, մեկ ճանապարհ» նախաձեռնության մրցակիցը։