Վրաստանի հարավում 43-ամյա հայ կինը 14-րդ երեխային է լույս աշխարհ բերել

Վրաստանի հարավում Նինոծմինդայի մունիցիպալիտետի բնակիչների ընտանիքում ծնվել է 14-րդ երեխան։ Այս մասին հայտնում է jnews.ge տարածաշրջանային հրատարակությունը։

Ծննդաբերությունը տեղի է ունեցել հունիսի 21-ին Ախալքալաք քաղաքի ուղեգրային հիվանդանոցում։

Նորածինը տղա է՝ քաշը 2 կգ 600 գրամ, հասակը 48 սմ, անունը՝ Դանիել։ Նրա մայրը՝ 43-ամյա Վարդուհի Ղազարյանը, իրեն հիանալի է զգում և ասում է, որ դեմ չէ նորից ծննդաբերել։ Կինը ծնունդով Գյուրմրուց է, ամուսնացել է 19 տարեկանում:

Ղազարյանների ընտանիքն ապրում է Նինոծմինդայի շրջանի Գանձա գյուղում, աշխատում է սեփական հողամասում, զբաղվում է անասնապահությամբ։

Ընտանիքն ունի ութ որդի և վեց դուստր։ Նրանցից չորսն արդեն ուսանող են, մնացածը՝ դպրոցական և նախադպրոցական տարիքի։ Ծնողները պատմում են, որ մեծերը ոչ միայն սովորում են, այլեւ աշխատում են, արդեն կարող են ապահովել իրենց ապրուստը, ընտանիքը երբեմն օգնում է նրանց սննդի հարցում։