Ալիևը պետք է իմանա, որ Նիկոլի հետ ձեռք բերած ցանկացած պայմանավորվածություն առ ոչինչ է. Իշխան Սաղաթելյան
Մեզ պետք է օրվա իշխանության առաջարկած կործանարար ապագային այլընտրանք առաջարկող իշխանություն, որը տեր կկանգնի մեր հաղթանակներին, կվերցնի պատմական ու քաղաքական պատասխանատվություն, կօգտագործի հնի դրականը, կհամադրի փորձը և երիտասարդությունը, իսկապես կառաջնորդվի արժանավորների իշխանություն ձևավորելու սկզբունքով, կառաջարկի ներկա վիճակից դուրս գալու հստակ ծրագրեր, կհամախմբի ողջ ժողովրդի ներուժը և կգնա դրա իրականացման հետևից։ Սա է մեզ անհրաժեշտ իշխանության նկարագիրը, Ֆրանսիայի հրապարակում ընթացող հանրահավաքի ժամանակ ասաց ԱԺ փոխնախագահ, «Հայաստան» խմբակցության պատգամավոր, Դիմադրության շարժման կազմակերպիչներից Իշխան Սաղաթելյանը։
Ընդդիմադիր գործիչը նշեց՝ գործող իշխանությունը չունի թվարկված հատկանիշները, գործում է ճիշտ հակառակ ուղղությամբ, ավելին, թշնամու հետ բանավոր պայմանավորվածություններով ու գրավոր համաձայնություններով վտանգում է Արցախի և Հայաստանի գոյությունը։
«Ալիևի և Նիկոլի բանավոր պայմանավորվածությունը, որ երբեք Հայաստանի կողմից չպետք է խոսվի, որ Արցախը չի լինելու Ադրբեջանի կազմում, վաղուցվա փաստ է և պայմանավորվածություն։ Այսքանով հանդերձ՝ հունիսի 15-ին հողատուն կանգնում է երկրի հիմնական քաղաքական ամբիոնի մոտ ու հայտարարում՝ ցանկացած կարգավիճակ, որն իրապես երաշխավորելու է ԼՂ հայության անվտանգությունը, իրավունքներն ու ազատությունները, պետք է լուծում համարվի մեզ համար։ Հասկանու՞մ եք՝ ինչ է ասում․ բաց տեքստով հայտարարում է, որ Արցախը կարող է լինել Ադրբեջանի կազմում, որ դա պետք է լուծում համարվի մեր կողմից»,- ասաց Իշխան Սաղաթելյանն՝ ընդգծելով՝ այսպիսի «լուծում» չեն ընդունելու և չեն հանդուրժելու նման ճանապարհը։
«Բոլոր նրանք, ովքեր կարծում են, որ Բաքվի և Սումգայիթի ջարդեր կազմակերպած Ադրբեջանը, ռամիլսաֆարովներ ծնած Ադրբեջանը կարող է ապահովել արցահայության անվտանգությունը, կամ անմեղսունակ են, կամ պետական դավաճան», -հավելեց Սաղաթելյանը։
Քաղաքական գործիչը նաև շեշտեց՝ Փաշինյանի ու Ալիևի միջև ձեռք բերված պայմանավորվածություններն առ ոչինչ են, հայ ժողովրդի հետ Ալիևը չի կարող սպառնալիքների լեզվով խոսել։
«Ակնհայտ է, որ բանավոր պայմանավորվածություններով ու գրավոր համաձայնություններով փորձում են երկիրը գլորել դեպի անդունդը, բայց Ալիևը պետք է իմանա, որ Նիկոլը երկար կյանք չունի Հայաստանում, և Նիկոլի հետ ձեռք բերած ցանկացած պայմանավորվածություն առ ոչինչ է, իսկ սպառնալիքներով կարող է խոսել միայն Նիկոլի հետ, որովհետև հայ ժողովուրդը Նիկոլ չէ․ հայ ժողովուրդը նույն այն ժողովուրդն է, որը ծնկի է բերել ալիևներին, և մեզ մոտ որևէ բան չի փոխվել»,- ասաց Իշխան Սաղաթելյանը։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չին...
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
