Կարեն Անդրեասյանը քաղաքականությանը հետևում է, բայց բիզնեսով է զբաղված. «Փաստ»

«Փաստ» օրաթերթը գրում է.

Մարդու իրավունքների նախկին պաշտպան Կարեն Անդրեասյանը ներկայում իր բիզնեսով է զբաղվում, ու չնայած հետևում է երկրում տեղի ունեցող քաղաքական գործընթացներին, սակայն այդ թեմայով առայժմ որևէ նոր ասելիք չունի:

«Իմ անձնական գործերով եմ զբաղվում, մամուլի ներկայացուցիչների հետ չեմ շփվում»,– «Փաստի» հարցերին ի պատասխան, ասաց Կ. Անդրեասյանը:

Նա նաև տեղեկացրեց, որ ասելիք ունենալու դեպքում անպայման այդ մասին կգրի իր ֆեյսբուքյան էջում, բայց հիմա դրա ժամանակը չէ: «Փաստը» նրանից փորձեց ճշտել, թե ինչ բիզնեսով է զբաղվում, սակայն Մարդու իրավունքների նախկին պաշտպանը չցանկացավ փակագծեր բացել` նշելով, որ դա անձնական տիրույթ է, ինչի մասին խոսել չի ցանկանում: Հետաքրքիր է, որ սովորաբար բիզնեսով զբաղվելու համար շատերը ձգտում նախ պետական պաշտոն ունենալ, որ կարողանան նաև իրենք իրենց պաշտպանել, իսկ Կ. Անդրեասյանը բավականին մոտիկից ծանոթ լինելով երկրի մութ և լուսավոր բազում անկյուններին, բավականին պատասխանատու պաշտոն զբաղեցնելուց հետո է որոշել բիզնես դաշտ գնալ: Ստացվում է, որ առանց իշխանական բարձր տանիքների էլ է հնարավոր մեր երկրում բիզնեսով զբաղվել, ինչը հույս է ներշնչում, որ այնուամենայնիվ ամեն ինչ չէ, որ այդքան մշուշոտ է ու անհնարին, որքան որ ներկայացվում է:

Հաջողություն մաղթենք նրան և հուսանք, որ մի օր նրան կրկին կտեսնենք այս կամ այն կառույցի ղեկին, ինչը, ամենայն հավանականությամբ, կարող է նաև առողջարար լինել տվյալ ոլորտի «ապագայի» համար:

Շարունակությունը` «Փաստ» օրաթերթի այսօրվա համարում