Վաղը-մյուս օրը Չալաբյանն ազատության մեջ է հայտնվելու, բայց նրան ազատությունից զրկած դատավորները չեն էլ հասցնելու Հայաստանից փախչել. Գեղամ Նազարյան
«ԱրԱր» հիմնադրամի համահիմնադիր Ավետիք Չալաբյանը կալանավայրից բացառիկ հարցազրույց է տվել «Առավոտին», որտեղ կարծիք է հայտնել, որ Արևմուտքը Հայաստանը դիտարկում է իբրև ՌԴ-ի դեմ երկրորդ ճակատի հնարավորություն.
«Այս իմաստով, Հայաստանում դեռևս գործող իշխանությունը վտանգավոր խաղ է տանում, որի հետևանքը կարող է լինել ոչ միայն Արցախի և Սյունիքի կորուստը, այլև Հայաստանի վերածվելը աշխարհաքաղաքական բախման թատերաբեմի՝ Սիրիայի և Ուկրաինայի օրինակով։ «Դիմադրության» շարժումը դրան խանգարում է, ուստի եթե դիտարկենք այն այդպիսի լայն համատեքստում, ապա արդեն տեսանելի է նրա դրական ազդեցությունը՝ հստակորեն ընդգծելով, որ Հայաստանի բնակչության ճնշող մեծամասնությունը դեմ է Արցախի հանձնմանը, այն կաշկանդում է գործող իշխանությանը, և թույլ չի տալիս նրան գնալ աշխարհաքաղաքական արկածախնդրության՝ բոլորիս համար աղետալի հետևանքներով»։
ԱԺ «Հայաստան» դաշինքի պատգամավոր Գեղամ Նազարյանի խոսքով՝ Չալաբյանի խոսքերում շատ մեծ ճշմարտություն կա.
«Դա շատ ծավալուն թեմա է, բայց եթե Ավետիքը նման կարծիք է հայտնել, ես հարգում եմ այն: Ցավոք, այսօր աշխարհը և Արևմուտքը այնքան ցինիկ և դաժան են, որ արդեն չեն էլ թաքցնում, որ, օրինակ, Ուկրաինան և ուկրաինացին իրենց պետք են, որ Ռուսաստանին փորձեն ինչ-որ ձևով վնասել: Նույնը նաև Հայաստանն ու հայն են իրենց համար, Վրաստանը: Այնպես որ, Ավետիքի ասածը նորություն չէ, նա ուղղակի բարձրաձայնել է ցավալի ճշմարտությունը»,- 1or.am-ի հետ նշեց Նազարյանը:
Անդրադառնալով այսօր դատախազի կողմից Ավետիք Չալաբյանի նկատմամբ կիրառված խափանման միջոցի փոփոխության վերաբերյալ երաշխավորությունները մերժելուն՝ Նազարյանը նշեց.
«Ես այս թեմային էլի եմ անդրադարձել. ուղղակի մի բան չեմ հասկանում՝ այն դատավորը, որն ինչ-որ մեկի հրահանգը կատարելով՝ այդ մարդուն, ում բոլորը գիտեն՝ ո՛չ հանցագործ է, ո՛չ ավազակ, ո՛չ մարդկանց կարող է վնասել, զրկում է ազատությունից, նա հետո իր երեխայի, ծնողների, հարևանների աչքերին, հայելու մեջ ինքն իր աչքերին ո՞նց է նայում, ո՞նց է ինքն իրեն մարդ համարում: Ինչքան միջոց ասես՝ կտայի, որ հասկանայի՝ իրենց հետ ի՞նչ է կատարվում, որ մի հրահանգով մարդուն կարող են զրկել ազատությունից՝ առանց որևէ հիմքի:
Նույնը ասում եմ նրանց, ովքեր Տարոնին, Գոռին՝ Գյումրիի միջադեպի համար են պահում անազատության մեջ: Այս ամենը, եթե էմոցիաներից դուրս գանք, մի բանի մասին է վկայում. վարչախումբն այդ կերպ փորձում է ճնշել, վախեցնել, բռնաճնշումների մթնոլորտ ստեղծել երկրում: Սա միակ դեպքը չէ, էլի են եղել, ավելի դաժան ճնշումներ են եղել, բայց համաշխարհային փորձը ցույց է տալիս, որ դրանք օգուտ չեն տալիս, և ինչ-որ կարճաժամկետ ազդեցություն կարող են ունենալ ընդամենը: Վաղը-մյուս օրը Չալաբյանն ազատության մեջ է հայտնվելու, բայց ես վստահեցնում եմ՝ բոլոր այն դատավորները, այն քննիչները, ովքեր օրենքի ամենակոպիտ խախտումներով մարդուն զրկել են ազատությունից, խիստ ձևով պատժվելու են, չեն էլ հասցնելու Հայաստանից փախչել»:
Մարիամ Նալբանդյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չին...
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
