Երևանի ընտրություններում իշխանությունը մնում է առանց այլընտրանքի
Երևանում մեկ ու կես ամիս առաջ մեկնարկած ընդդիմադիր շարժումը նաև լավ հնարավորություն էր ընդդիմադիր քաղաքական ուժերի համար՝ պատրաստվելու Երևանի քաղաքապետի առաջիկա ընտրություններին, որոնք կայանալու են 2023 թվականին։
Դա պետք է լիներ շարժումը գլխավորող քաղաքական ուժերի նպատակներից մեկը։ Ակնհայտ է, սակայն, որ ընդդիմությունը օրեցօր տապալվում է, և հանգուցալուծումը հաշված օրերի հարց է։ Փաստն այն է, որ Խորհրդարանական ընդդիմության ներկայացուցիչներին այդպես էլ չհաջողվեց հանրային մեծ դժգոհությունները գեներացնել Նիկոլ Փաշինյանի դեմ, նրան հեռացնել իշխանությունից, կամ գոնե բարձրացնել սեփական կշիռը։
Եվ, ըստ էության, ընդդիմության այն հեռահար նպատակը, որ Երևանի ընտրություններում կկարողանան դառնալ իշխանության լուրջ այլընտրանք, մարում է ձնագնդու էֆեկտով, այն դեմքերը, ում առաջին պլան էին բերում, որպես քաղաքապետի հնարավոր թեկնածու, փորձում մամուլով և սոցիալական ցանցերով քողարկված կամ անթաքույց քարոզչություն իրականացնել իրենց օգտին, իշխանափոխության այս չստացված ալիքի վրա այլևս շանս չեն ունենա լուրջ մրցակցություն ներկայացնել գործող իշխանություններին։
Այս պարագայում ակնհայտորեն իր դիրքերը ամրապնդում է «Քաղաքացիական պայմանագիր» կուսակցության թեկնածուն՝ նախկին փոխվարչապետ Տիգրան Ավինյանը, ով, չնայած հրապարակային գործիչ չէ, լուրջ դերակատարում ունի պետության կյանքում և խոշոր նախաձեռնություններում։ Ակնհայտորեն իշխող ուժի համար տապալվող ընդդիմության ֆոնին գործունյա Ավինյանի կերպարը դարձել է հաղթանակի լուրջ շանս։
Հենց այդ է, թերևս, պատճառը, որ Երևանի քաղաքապետարանի թիմը ամբողջովին կոնսոլիդացվել է նախկին փոխվարչապետի շուրջ։
Արթուր Գրիգորյան
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Ucom-ի 5G ցանցը գործարկվել է 11 նոր քաղաքներում
«Ովքեր Նանուլին չեն ճանաչում, մտածում են, որ շփացած աղջիկ է, ինքնավստահ մեկը». Վիկա Մարտիրոսյան
«Միլանը» չի ծրագրում ուժեղացնել կազմը հունվարյան տրանսֆերային պատուհանի ժամանակ. Իբրահիմովիչ
Վթարի հետևանքների վերացման նպատակով այսօր ժամը 13:30-14:30 կդադարեցվի Ավան, Առինջ և Բագրեվանդ թաղամա...
Թրամփը Փաշինյանին զգուշացրել է Իրանի հարցով
ԵՄ-ն զարմացած է Հայաստանի իշխանությունների պահվածքից
Հայաստանի և Հայ ժողովրդի բնական ու անփոխարինելի դաշնակիցները ՀՀ Ազգային Անվտանգության Ծառայությունը ...
Ի՞նչ պաշտոնում է նշանակվելու ներքին գործերի նախկին նախարարը
