Վուչիչը մեղադրել է Արևմուտքին Սերբիայի սահմանները վերագծելու մեջ

Արևմտյան երկրներն ասում են, որ չեն համաձայնի փոխել Ուկրաինայի սահմանները, բայց միևնույն ժամանակ վերագծում են Սերբիայի սահմանները՝ կոչ անելով անկախացնել Կոսովոն, հայտարարել է Սերբիայի նախագահ Ալեքսանդր Վուչիչը TV Prva-ի եթերում։

«Նրանք ասում են, որ երբեք չեն ընդունի Ուկրաինայի սահմանների փոփոխությունը։ Իրո՞ք։ Փոխարենը նրանք կմասնակցեն Սերբիայի ազգային ինքնիշխանության ոչնչացմանը և մեզ կպատմեն Կոսովոյի մասին՝ որպես «Եվրոպայի սիրտ» և առանձին երկիր», - մեղադրել է Վուչիչը հավաքական Արևմուտքին։

Պետության ղեկավարի խոսքով՝ Սերբիան պաշտպանում է իր տարածքային ամբողջականությունը և կշարունակի պաշտպանել այն։ Նա հարցրել է, թե ինչպես կարող են արևմտյան երկրները ակնկալել, որ երկիրը կհրաժարվի այս սկզբունքներից՝ միաժամանակ հորդորելով Ուկրաինային չանել դա: «Մեզ ստիպում եք ամեն գնով ճանաչել, իսկ նրանց` ամեն գնով չճանաչել»,- նախատել է քաղաքական գործիչը, մասնավորապես, G7-ի երկրներին։

«Սպառնալիքներն ինձ չեն անհանգստացնում, եթե վաղը մահանամ, կմնան երկաթուղիները, հիվանդանոցները, ինչպես նաև Սերբիայի անկախ և ինքնուրույն քաղաքականությունը, և ոչ ոք չի կարող դա հերքել»,- եզրափակել է Վուչիչը։