Կադիրովը դիմել է Էրդողանին և քննադատել Թուրքիայի դիրքորոշումը
Չեչնիայի ղեկավար Ռամզան Կադիրովը Telegram-ի իր ալիքում գնահատել է ուկրաինացի զինվորականներին Մարիուպոլի «Ազովստալ» գործարանից տարհանելու Թուրքիայի ծրագիրը։
Նա քննադատել է Թուրքիայի նախագահ Ռեջեփ Թայիփ Էրդողանի խորհրդականի հայտարարությունները, սակայն նշել է, որ հարգում է մահմեդական պետության ղեկավարին։ Կադիրովը «Ազովի» գունդը անվանել է ֆաշիստա-նացիստական հանցավոր զինված խմբավորում, որը մեղավոր է Դոնբասի բնակիչների սպանությունների մեջ։
«Ազովստալի նկուղներում այս ֆաշիստ հանցագործները պահում են քաղաքացիական անձանց՝ օգտագործելով որպես կենդանի վահան։ Այս ավազակային կազմակերպության անդամներն Ուկրաինայում և նրա սահմաններից դուրս հայտնի են իսլամական մեծ արժեքները վիրավորող և ընդհանրապես իսլամի կրոնը ծաղրող իրենց պարբերական հայտարարություններով»,- գրել է Չեչնիայի ղեկավարը։
Նրա կարծիքով՝ ռուս մահմեդականները վրդովվել են, որ Թուրքիան Ուկրաինային «Բայրաքթար» անօդաչու թռչող սարքեր է մատակարարել։ Կադիրովը նշել է, որ մուսուլմաններն էլ ավելի զգայուն են այն տեղեկության նկատմամբ, որ Անկարան պատրաստ է «տարհանել իսլամի մոլեգին հակառակորդներին և վիրավորողներին»:
«Ես դիմում եմ Թուրքիայի նախագահ Ռեջեփ Թայիփ Էրդողանին՝ ազովցիները մարդասպաններ և աթեիստներ են, որոնց այժմ ցանկանում են ձեզ ներկայացնել որպես ռուսական ագրեսիայի անմեղ զոհեր։ Թույլ մի տվեք, որ ձեզ խաբեն հանցագործները, ովքեր ցանկանում են ձեր օգնությամբ խուսափել դատավարությունից և արժանի պատժից»,- ասել է Կադիրովը։
Ավելի վաղ Թուրքիան առաջարկել էր նավ ուղարկել «Ազովստալ» գործարանից վիրավոր ուկրաինացի զինվորականներին տարհանելու համար։ Թուրքիայի նախագահի խորհրդական Իբրահիմ Կալինի խոսքով՝ ըստ պլանի ՝ վիրավոր զինվորները պետք է հասցվեին Բերդյանսկ, որտեղից թուրքական նավով նրանց կտեղափոխեին Ստամբուլ։
Ucom-ն ընդլայնում է միջազգային ռոումինգի հնարավորությունները
Աստված պահապան մեր հրաշք Հայաստանի Հանրապետությանը. Ուժեղ Հայաստան վստահաբար ունենալու ենք. Արամ Վար...
Առանց հանքարդյունաբերության տեխնոլոգիական առաջընթացն անհնար է․ Վարդան Ջհանյան
Սաուդյան Արաբիան, Թուրքիան և Պակիստանը համատեղ պաշտպանության մասին համաձայնագիր են կնքել. Արտակ Զաքա...
Մենք չենք տրվելու թուրք-ադրբեջանական պարտադրանքին. Ավետիք Չալաբյան
Օդի ջերմաստիճանը կնվազի․եղանակն՝ առաջիկա օրերին
Ազատազրկումը՝ որպես քաղաքական գործիք. Ավետիք Չալաբյանի գործը և մարդու իրավունքների ճգնաժամը
Անհավասարակշռության և նոր կախվածության վտանգները. «Փաստ»
Դատական նիստից հետո Մայր Տաճարում Վեհափառ Հայրապետը աղոթք է հնչեցնում ժողովրդի հետ
Վարչախմբի համար քաղաքական խնդիրները լուծվում են միայն վախի առկայությամբ. Անահիտ Ադամյան
