Պատրաստվում է Պորոշենկոյին իմպիչմենտ հայտարարելու փաստաթուղթը. «Փաստ»

«Փաստ» օրաթերթը գրում է.

Ուկրաինայի Գերագույն ռադայի միանգամից մի քանի կուսակցությունների խմբակցություններ նախագահ Պյոտր Պորոշենկոյին անվստահություն հայտնելու գործընթաց են սկսում:

Այս գործընթացի նախաձեռնողը «Բատկիվշչինա» կուսակցության նախագահ Յուլիա Տիմոշենկոն է: Նրա կուսակցությունը միաձայն իր համաձայնությունն է տվել, որովհետև ըստ նրանց «Այլևս չի կարելի թույլ տալ նման իշխանազանցություն ու կոռուպցիա»:

Իմպիչմենտի գաղափարին իրենց աջակցությունն են հայտնել ընդդիմադիր կուսակցություններն ու «Ինքնօգնություն» կուսակցությունը:

Նրանց են միանում նաև անկախ պատգամավորներից շատերը: Արմատական կուսակցության նախագահ Օլեգ Լյաշկոն, ով դեռ 2016–ի ապրիլին էր առաջարկել կազմակերպել Պորոշենկոյի իմպիչմենտը, հայտարարել է, որ իր կուսակցությունը հնարավոր է միանա իմպիչմենտի գործընթացին, սակայն, վերջին փուլում, երբ ուժերի դասավորվածությունը ակնհայտ դառնա:

Ըստ Տիմոշենկոյի, նախագահին անվստահություն հայտնելու վեց հիմնավոր պատճառ կա:

«Բատկիվշչինայի» ղեկավարներից Սերգեյ Վլասենկոն հայտարարել է, որ Պորոշենկոն իր գործունեությամբ արդեն հինգ անգամ պետք է հեռացված լիներ նախագահի պաշտոնից:

Իմպիչմենտի գործընթացը նախատեսված է Ուկրաինայի սահմանադրությամբ, սակայն համապատասխան օրենք չկա: Այդ է պատճառը, որ ընդդիմադիրները պատրաստել են նաև «Իմպիչմենտի մասին օրենքի» նախագիծ, որն արդեն Ռադայում է և առաջիկայում կսկսվեն քննարկումները:

«Իզվեստիա» թերթը, անդրադառնալով Ուկրաինայի նախագահի իմպիչմենտի հարցին, տվյալներ է հրապարակել, ըստ որոնց 2014–ին նախագահի աշխատանքը դրական է գնահատել ուկրաինացիների 47%–ը, 2015–ին՝ 17%–ը, 2016–ին՝ 13,5%–ը:

Ուկրաինայի պետական պարտքը ՀՆԱ–ի նկատմամբ 2014–ին եղել է 70,3%, 2015–ին՝ 80,18%, իսկ 2016–ին՝ 92,8%:

Շարունակությունը` «Փաստ» օրաթերթի այսօրվա համարում