Հայաստանն ու Իրանը կքննարկեն Իրանից գազի մատակարարման ծավալների ավելացման հարցը․ նախարար
Հայաստանն ու Իրանը կքննարկեն Իրանից Հայաստան գազի մատակարարման ծավալներն ավելացնելու հարցը, այս մասին Իրան–Հայաստան միջկառավարական հանձնաժողովի 17-րդ նիստից հետո լրագրողների հետ զրույցում ասաց Իրանի էներգետիկայի նախարար Ալի-Աքբար Մեհրաբիանը։
«Հաշվի առնելով գազի համաշխարհային պահանջարկը՝ բնականաբար պետք է զարգացնել տարանցման հնարավորությունն օգտագործելու հանգամանքը։ Բնականաբար «Հյուսիս–Հարավ» մայրուղի Հայաստանը շատ լավ տարբերակ է դարձնում ապրանքների տարանցման համար։ Իրանից Հայաստան գազի արտահանման ծավալները ավելացել են և պետք է նշեմ, որ այսօրվա նիստի ընթացքում նաև Իրանի գազի արտահանման ազգային ընկերության գործադիր տնօրենն էր այստեղ և քննարկումների ընթացքում համաձայնություններ են ձեռք բերվել և քննարկվելու է գազի մատակարարման ծավալների ավելացման հարցը»,– ասաց նախարարը։
Հարցին, թե արդյո՞ք այլ երկրների կողմից խոչընդոտներ կան գազի մատակարարման հարցում, Ալի-Աքբար Մեհրաբիանը բացասական պատասխան տվեց։
Լրագրողների հարցին, որ փետրվարին հանդիպեցին Իրանի, Ռուսաստանի և Ադրբեջանի էներգետիկայի նախարարները և հայտարարություն եղավ Ադրբեջանի կողմից, որ քննարկում է եղել «Հյուսիս–Հարավ» էներգետիկ միջանցք բացելու հնարավորության մասին, արդյո՞ք սա նշանակում է, որ Հայաստանը դուրս է մղվում «Հյուսիս–Հարավ» էներգետիկ միջանցքի ծրագրից, իրանցի նախարարը պատասխանեց․
«Փոխըմբռնման հուշագիրը, որ այսօր ստորագրեցինք, ունի կետ, որում նշված է Իրան–Հայաստան–Վրաստան էլեկտրաէներգիայի փոխանցման մասին։ Նաև մենք Ադրբեջանի կողմից դեպի Ռուսաստան էլեկտրաէներգիայի գծերը սինքրոնացրել ենք, նաև սինքրոնացնում ենք դեպի Վրաստան։ Սեզոնային առումով մենք տարբեր պայմաններում ենք գտնվում․ Ռուսաստանին անհրաժեշտ է, որպեսզի էլեկտրաէներգիային ավելի շատ փոխանցվի ձմռանը, իսկ մեզ Իրանում անհրաժեշտ է, որ ավելի շատ ամռանը ստանանք էլեկտրաէներգիա։ Ուստի էներգետիկ ուղիների բազմազանությունը նպաստում է, որ մենք կարողանանք տարբեր կլիմայական պայմաններում մեզ անհրաժեշտ ծավալը ստանալ, իսկ ավելցուկը՝ արտահանել»։
Այսօր Գագիկ Ծառուկյանի մայրիկի` Ռոզա Ծառուկյանի տարեդարձն է
Բարձրագույն դատական խորհրդի նախագահի պարտականությունները կկատարի Կարեն Թումանյանը․ որոշում
«Ռուսաստան-Հայաստան» հասարակական երկրորդ ֆորումին ընդառաջ հանդիպեցի հայ և ռուս երիտասարդների հետ․ Մ...
Փարաքարի համայնքապետը հրաժարական է ներկայացրել
Բացառիկ հարթակ՝ զբոսաշրջության ոլորտի համար. «Փաստ»
«Բոլոր անձինք, որոնք պատրաստ են ծառայելու Նիկոլին, պետք է կարևոր փաստ հասկանան՝ ընդամենը գործիք են, ...
Ucom-ի 5G ցանցը գործարկվել է 11 նոր քաղաքներում
«Կարիերայի նոր հնարավորություններ և հեռանկարներ» խորագրով կարիերայի տոնավաճառ արցախցիների համար
«Ովքեր Նանուլին չեն ճանաչում, մտածում են, որ շփացած աղջիկ է, ինքնավստահ մեկը». Վիկա Մարտիրոսյան
Բոլոր Նապոլեոններին սպասվում է իրենց Վաթերլոն․ Հենրիխ Դանիելյան
