Ուկրաինան ԱՄՀ-ից եւ G7-ից 50 մլրդ դոլար է խնդրել

Ուկրաինան 50 մլրդ դոլար ֆինանսական օգնություն է խնդրում «Մեծ յոթնյակի» եւ ԱՄՀ-ի անդամ երկրներից, հայտնել է Վլադիմիր Զելենսկու տնտեսության հարցերով խորհրդական Օլեգ Ուստենկոն:

«Նախագահը հստակ ասել է, որ խոսքը ամսական մոտավորապես 7 մլրդ եվրոյի մասին է, դա դեֆիցիտ է, որը մենք հիմա ունենք։ Այդ դեֆիցիտը պետք է ֆինանսավորել։ Ինչո՞ւ է նախագահը նշում հենց 50 միլիարդ դոլարի թիվը, քանի որ, եթե նայեք, կես տարվա համար մոտավորապես 50 միլիարդ դոլար է պետք, որպեսզի մենք մոռանանք այս խնդրի մասին հիմա երկար ժամանակով.. Նախագահը նման խնդրանքով դիմել է «Մեծ յոթնյակի» երկրներին՝ Ուկրաինայի համար այդ 50 մլրդ դոլարի ֆինանսավորման տրամադրման մասին», - ասել է նա ուկրաինական ալիքների եթերում։