Դատավորի կնոջը 4 անշարժ գույք են նվիրել, ընդ որում մեկը 380 միլիոն դրամ է արժեցել. «Փաստ»

«Փաստ» օրաթերթը գրում է.

Արագածոտնի մարզի ընդհանուր իրավասության դատարանի դատավոր Սամվել Ուզունյանի ընտանիքը նախորդ տարի ավելացրել է իր անշարժ գույքը ևս 4–ով: Ուզունյանի կինը՝ Ալլա Հարությունյանը 2016 թ. ձեռք է բերել առանձնատուն և 3 հողամաս: Առանձնատունը գնվել է 380 միլիոն դրամով, իսկ հողամասերը՝ համապատասխանաբար 9, 8 և 3 միլիոն դրամով: Այս մասին տեղեկանում ենք Ուզունյանի կնոջ՝ Բարձրաստիճան պաշտոնատար անձանց էթիկայի հանձնաժողով ներակայացված 2016 թ. տարեկան հայտարարագրից:

Դատավորի կնոջ հայտարարագրից նաև տեղեկանում ենք, որ այս անշարժ գույքը վերջինս անձամբ չի գնել, այլ ստացել է որպես նվիրատվություն կամ օգնություն, որն էլ կազմել է իր եկամուտների մի մասը: Տարեկան եկամուտների մնացած մասը գոյացել է 330 հազար դրամ կենսաթոշակից: Իսկ դրամական միջոցներ վերջինս չի ունեցել:

Ինքը դատավորը հայտարարագրել է 3 միլիոն դրամական միջոցներ և 19 միլիոն 861 հազար դրամ տարեկան եկամուտներ, որոնք ստացվել են երկու տարբեր աշխատավարձերի հանրագումարից:

Շարունակությունը` «Փաստ» օրաթերթի այսօրվա համարում