Ձեր տանը, որ կռիս ու տառական է հայտնվում, ձեր տնից փախնո՞ւմ եք. Հայկ Մամիջանյանը դիմեց քաղաքացիներին

18։30-ին Ազատության հրապարակում հրավիրված հանրահավաքին ներկա է նաև ԱԺ «Պատիվ ունեմ» խմբակցության պատգամավոր Հայկ Մամիջանյանը։

Նա նշեց, որ այսօր ելույթ չի ունենալու և ուղղակի եկել է քաղաքացիների հետ զրուցելու:

«Այստեղ կանգնած մարդիկ հասկանում են, որքան Հայաստանը Արցախի անվտանգության երաշխավորն է, նույնքան էլ Արցախը Հայաստանի անվտանգության գրավականն է: Այստեղ բոլորը հասկանում են, որ Կասկադում իրար ձեռք բռնած սիրահար զույգի անվտանգության երաշխավորը Արցախի սահմանին ավտոմատը ձեռքին ամուր բռնած զինվորն է: Ես այստեղ եմ եկել զրուցելու տունը կորցրած քույրերիս և եղբայրներիս հետ. Շուշիից, Հադրութից, Քարին տակից, Մարտունու, Ասկերանի ու Մարտակերտի գյուղերից: Բոլոր նրանց ում աչքերի մեջ նայելով իշխանությունը ստում է, և չի համարձակվում ասել, որ մեր հայրենիքը օկուպացված է: Պարզապես չեն ասում դա, որովհետև վախենում են օկուպանտից: Պետք է վախենալ նրանից, ովքեր երկու անգամ ծնկի են բերել օկուպանտին: Ղազանչեցոցի սպիտակ կամարների տակ աղոթած ու Հադրութում գերեզման թողած իմ հայրենակիցներից պետք է վախենան: Եկել եմ այստեղ ներողություն խնդրեմ, որ ես կամ իսկ իրենք չկան: Եկել եմ ասեմ, որ իրենց հերոս զավակների պահած ու շահած հողը պատառ-պատառ մեծ ու փոքր կտորներով իրենց մեջքի հետևից ծախում են: Իրենց բերած կեղծ խաղաղությունից արյան հոտ է գալիս»,- ասաց Մամիջանյանը և հավելեց, որ Արցախի հարցի լուծման բանալին ո՛չ Վշիգտոնում է, ո՛չ Մոսկվայում, ո՛չ էլ Բրյուսելում, այլ այստեղ՝ Երևանում:

Դիմելով արտագաղթողներին պատգամավորն ասաց. «Ո՞ւր պետք է փախնենք մենք մեր խայտառակությունից, ձեր տանը, որ կռիս ու տառական է հայտնվում, ձեր տնից փախնո՞ւմ եք, չէ՝ քշում եք կռիսին ու տառականին»,- ասաց նա: