Ղրիմում վրդովվել են ռուս զինվորներին խոշտանգելու տեսանյութից

Ղրիմի քաղաքական փորձագետ Ռուսլան Բալբեկը, մեկնաբանելով սոցցանցերում հրապարակված տեսանյութը, որտեղ ուկրաինացի զինվորականները խոշտանգում են ռուս գերիներին, այդ հրապարակումներն անվանել է կենդանական կատաղության ցուցանիշ:

«Ուկրաինացի նացիստների հրապարակումները մեր ռազմագերիների նկատմամբ ծաղրի առարկա են դարձել, դա կենդանական կատաղության ցուցանիշ է, որի դեմ կա միայն մեկ միջոց՝ ուտիլիզացիա։ Դա անհրաժեշտ է նորմալ մարդկանց գոյատևման համար», - ասել է Բալբեկը։

Նա հստակեցրել է, որ իր խոսքերն առաջին հերթին վերաբերում են նրանց, ովքեր կասկածում են՝ Ուկրաինայում հատուկ գործողության անհրաժեշտության հարցում:

«Հակառակորդի տառապանքներից հաճույք ստանալը խիզախություն և ռազմական փառք չէ։ Դա կատաղած գազանին բնորոշ նողկանք է։ Եվ այդ գազաններին ներում չպետք է լինի, նրանց չի կարելի համոզել և լավ վերաբերմունքի սովորեցնել։ Նրանք բանականություն չունեն՝ միայն ատելություն։ Դե, թող դրա հետ էլ գնան այն աշխարհ։ Ոչ մի ողորմություն չպետք է լինի, դա Ուկրաինայի մնացած բնակչության գոյատեւման գրավականն է», - հավելել է Բաալբեկը։