Նոր ավտոբուսներ, տրոլեյբուսներ և վերելակներ Երևանում

Այսօր Երևանի ավագանու նիստում ընդունվեց 2022 թվականի լրամշակված բյուջեի նախագիծը, որով հաստատվեցին հավելյալ մի քանի կարևոր ծախսային ծրագրեր, որոնցից մի քանիսը թվարկված են ստորև՝

1.  Կներկրվեն 100 հատ 12 մետրանոց եվրոպական արտադրության ավտոբուսներ, որոնք ձեռք կբերվեն ՀՀ Կառավարության և ՎԶԵԲ-ի աջակցությամբ:

2.  Կտեղադրվեն թվով 426 նոր վերելակներ նախորդ տարվա 54-ի համեմատ, որի համար քաղաքային բյուջեից կհատկացվի շուրջ 3.2 մլրդ դրամ

3.  Ձեռք կբերվեն 10 նոր ժամանակակից տրոլեյբուսներ շուրջ 2 մլրդ դրամով:

4.  Երևանյան լճի աջակողմյան հատվածում հանգստի գոտու կառուցման նպատակով կհատկացվի 190 մլն. դրամ ինչպես նաև կկատարվեն տարածքի մաքրման աշխատանքներ:

5.  Կկառուցվեն 20 նոր մինի ֆուտբոլային խաղադաշտեր, որոնց համար համայնքային բյուջեից կհատկացվի հավելյալ 140 մլն. դրամ

6.  Կկառուցվեն 2 թենիսի կորտեր Շենգավիթ վարչական շրջանում, որի համար համայնքային բյուջեից կհատկացվի 61 մլն. դրամ

7. Կբարեկարգվի Կենտրոն վարչկան շրջանում գտնվող Աբովյան պուրակը, որի համար համայնքային բյուջեից կհատկացվի շուրջ 157 մլն. դրամ

8. Կհիմնանորոգվի Երևանի Մալաթիա-Սեբաստիա վարչական շրջանի Հաղթանակի 40-ամյակի հուշահամալիրի այգին, կվերագործարկվեն շատրվանները

9. Կարդիականացվի Աշտարակաի խճուղու լուսավորությունը շուրջ 350 մլն. դրամով

10.Կտեղադրվեն լրացուցիչ 28 հետիոտնային կանչի ռեժիմով աշխատող լուսացույցեր