Սեռական կյանքի ամենաինտիմ մանրամասներից մինչև դավաճանություն
Արդեն տևական ժամանակ է՝ հայաստանյան մեդիադաշտում իր «հաղթական» ընթացքն է շարունակում «Կիսաբաց լուսամուտներ» հաղորդաշարը, որի ժամանակ էկրանի առաջ նստած հեռուստադիտողը տեղեկանում է հաղորդմանը մասնակից ընտանիքների սոցիալական կարիքների, անձնական և միջանձնային հարաբերությունների մութ կողմերի և, որ ամենավատն է, նրանց ինտիմ կյանքի գաղտնիքների մասին:
Թաքնված սեռական հարաբերությունների բացահայտումից մինչև դավաճանություն. ինչ ասես՝ չես լսի այդ հաղորդաշարի հյուրերից, ովքեր գուցե և միտումնավոր, գուցե հաղորդավարի հարցերին պատասխաններ տալով, ստիպված են լինում բացահայտել իրենց անձնական կյանքի մանրամասները՝ անտեսելով «կեղտոտ սպիտակեղենդ դուրս մի՛ հանիր» ժողովրդական հայտնի իմաստնությունը:
Սեքսապաթոլոգ Մարատ Զաքարյանը ԼՈւՐԵՐ.com-ի հետ զրույցում խոսելով այս հաղորդաշարի ընթացքում բարձրաձայնվող ինտիմ հարաբերությունների մասին, նշեց, որ եթերային էթիկան պահանջում է սեփական խնդիրները բարձրաձայնելիս լինել առավել կոռեկտ, իսկ ինչ վերաբերում է սեռական կյանքի մասին տարատեսակ խոսակցություններին, ապա դրանք պետք է չափը չանցնեն, քանի որ դեմ են եթերային կարգուկանոնին:
«Ես ինքս էլ եմ շատ հաճախ այդ հաղորդմանը ներկայանում եմ որպես փորձագետ, այո՛, երբեմն չափն անցնում և եթերով խոսում են այնպիսի բաների մասին, ինչը բարձրաձայնել ուղղակի չի կարելի: Պետք է պահպանել եթերային էթիկան, մարդկանց սեռական կյանքի մանրամասները պետք չէ այդպես հրապարակել»:
Խոսելով հաղորդաշարի փակման մասին շրջանառվող տեսակետների մասին՝ Մարատ Զաքարյանը նշեց, որ «Կիսաբաց լուսամուտներ»-ի մասնակից ընտանքիներին այնուամենայնիվ ցուցաբերվում է և՛ նյութական օգնություն, և՛ անհրաժեշտ մասնագիտական անվճար օգնություն, հետևաբար, ինքը համամիտ չէ հաղորդումը փակելու կոչերի հետ:
«Չեմ ուզում քննադատորեն խոսել այդ հաղորդման մասին, բայց որ հաղորդման մասնակից անհատների ընտանքիների ինտիմ կյանքի վերաբերյալ պետք է շատ զգույշ և չափավոր հարցադրումներ անել, դա միանշանակ է, պետք չէ հաղոդրման ռեյտինգի հետևից ընկնել և ասել այն, ինչը չի կարելի»:
Հայաստանը լինելու է ուժեղ, արժանապատիվ, խաղաղ և իր ապագան ինքնուրույն կերտող պետություն․ Իրինա Յոլյա...
Իշխանություն և հարստացում․ ինչպես փոխվեց «Քաղաքացիական պայմանագրի» էլիտան վեց տարում
Վախեցնել պատերազմով, սպառնալ խաղաղությամբ. Վահե Հովհաննիսյան
Բանկային գերշահույթներ և վերացված գաղտնիք. ո՞ւմ շահերն է սպասարկում ներկայիս տնտեսական համակարգը. Էդ...
Արցախի վերահայացումն անհերքելի իրավունք է՝ ազգային առաջնահերթություն, և դա փոխելն անհնար է. Աննա Կոս...
Ժողովուրդ ջան, դե, ասեք տեսնեմ՝ ինչիպիսի՞ ղեկավար եք ուզում ունենալ
Ուժեղ Հայաստանի Ուժեղ Աբովյան. Նարեկ Կարապետյան
Փաշինյանը պատգամավորներին հանձնարարել է անցնել կոշտ հարձակման ընդդիմության դեմ
8700 երեխաներ զրկվելու են իրենց բնակավայրում դպրոց հաճախելու հնարավորությունից․ Ատոմ Մխիթարյան
Մեր պետության քարտեզը հենց դուք եք անարգում՝ այն դարձնելով ձեզ համար քարոզչական գործիք. Էդմոն Մարուք...
