Պլաստիկային ռեյդեր. հայկական խանութներում ստուգում են մեկանգամյա օգտագործման տոպրակների հաստությունը
mir24.tv–ն գրում է, որ Հայաստանի խանութներում ստուգում են մեկանգամյա օգտագործման տոպրակների հաստությունը։ Ըստ նոր օրենքի այն պետք է լինի 50 միկրոնից ավել։ Այսինքն երկրի իշխանությունները հոգ են տանում շրջակա միջավայրի մասին։
Չափման մեխանիզմը բավականին պարզ է, այն իրականացվում է միկրոմետր հատուկ սարքի միջոցով: Եթե կա խախտում, ապա անմիջապես տեսուչները գրում են անհամապատասխանության արձանագրություն։ Սուպերմարկետում պատասխանատու են մոտեցել հարցին։ «Ինձ դուր են գալիս օրենքի փոփոխությունները։ Իհարկե, մենք այստեղ պոլիէթիլենային տոպրակներ ենք վաճառում, բայց ավելի ու ավելի շատ մարդիկ են հրաժարվում դրանցից հօգուտ կտորեղենի»,- ասել է սուպերմարկետի մենեջեր Հեղինե Նորեկյանը։
Նման արշավանքներ այժմ տեղի կունենան անընդհատ։ Օրվա ընթացքում տեսուչները ստուգում են տասնյակ օբյեկտներ, նույնիսկ ամենափոքր խանութները։ Դրանցում բարեփոխումները դեռևս վատ են արմատավորվել։ «Այն բանից հետո, երբ մենք խախտումների արձանագրություն ենք կազմում, տնօրենը կամ ղեկավարը պետք է ստորագրեն այն։ Այնուհետև այդ փաստաթուղթն ուղարկվում է քաղաքապետարանի համապատասխան վարչություն, որտեղ էլ հանձնաժողովը սահմանում է տուգանքի չափը», - պարզաբանել է Երևանի քաղաքապետարանի առևտրի և սպասարկումների վարչության գլխավոր մասնագետ Հայկ Սիմոնյանը։ Միջին հաշվով տուգանքը 40-ից 60 դոլլար է։ Տուգանքի չափը կախված է սխալ փաթեթների քանակից և նույնիսկ խանութի սեփականատիրոջ ստուգման նկատմամբ արձագանքից։ «Շատ դեպքերում մենք պարզապես բացատրական աշխատանք ենք կատարել ու տուգանել։ Այս պահին ունենք մոտ 110 տուգանք, բայց ցուցանիշը ամեն օր փոխվում է, որովհետև ստուգումները չեն դադարում»,- ասել է Երևանի քաղաքապետարանի Առևտրի և սպասարկումների վարչության պետ Հովիկ Սաֆարյանը։
Տարեսկզբից Հայաստանում արգելվել են 50 միկրոնից ավելի բարակ պատերով տոպրակները։ Նորերն ավելի թանկ արժեն՝ մոտ տասը ցենտ։ Առայժմ խանութները կարող են օգտագործել սննդային թաղանթ և վերամշակված տոպրակներ: Բայց շուտով նրանք նույնպես դուրս կգան շրջանառությունից։ Հաջորդը հերթը կհասնի մեկանգամյա օգտագործման պլաստիկ սպասքին:
Նյութը հրապարակման պատրաստեց Կամո Խաչիկյանը
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
Կիևն ու Վաշինգտոնը պատրաստվում են ստորագրել համաձայնագիր, որը թույլ կտա ուկրաինական ԱԹՍ-ներ արտահանե...
Ուժեղ Հայաստանի հանդիպումը Գանձասար գյուղում. կեցցե Տավուշի հայ մարդիկ. Հրայր Կամենդատյան
