Առաջնագծում պետք է լինեն միայն պրոֆեսիոնալները. Արման Վարդանյան
Այսօր «Միասնություն» համազգային շարժումը կազմակերպել էր հերթական կլոր սեղան-քննարկումը, այս անգամ՝ «Հասարակություն-Բանակ-Պետություն» խորագրով:
Բանախոսները կարևորեցին նման քննարկումների անհրաժեշտությունը ռազմաքաղաքական այս փուլում, երբ թշնամական պետության գործողություններն անկանխատեսելի են և ամեն պահ կարող է ռազմական պրոցեսը նոր թափ առնել Հայաստանի և Արցախի սահմանին:
Քննարկման ընթացքում նշվեց նաև, որ «Միասնություն» շարժումը տարբերվում է քաղաքական ներկապնակում գործող այլ ուժերից նրանով, որ հասարակության մեջ առկա խնդիրները դնում է բաց, հրապարակային, բովանդակային քննարկման, ինչի արդյունքում քաղաքական դաշտին իմպուլսներ է հաղորդում, վեր է հանում արմատացած խնդիրները և հիմնվելով մասնագիտական վերլուծությունների ու տեսակետների վրա՝ կազմում լուծման ճանապարհային քարտեզ:
Խոսելով բանակում տիրող արատավոր երևույթների մասին, «Միասնություն» համազգային շարժման համակարգող խորհրդի նախագահ Արման Վարդանյանը թվեց այնպիսի խնդիրներ, ինչպիսիք են՝ զինվոր-սպա փոխհարաբերությունները, կոռուպցիան, զինվորների արհեստավարժության ցածր մակարդակը:
Արման Վարդանյանի խոսքով՝ ապրիլյան իրադարձությունները ցույց տվեցին՝ բանակում ունենք խոցելի տեղեր, ինչպես նաև առկա են ազգային անվտանգությանն ուղղված հրատապ լուծման կարիք ունեցող խնդիրներ: Նշեց նաև, որ իրենց համար տաբու համարվող թեմաներ չկան, և միայն բաց, հրապարակային քննարկումների ու քննադատության ճանապարհով կարելի է հասնել խնդիրների ավելի արագ լուծմանը:
«Շատ կարևոր եմ համարում այս շրջանում անցումը՝ գոնե կիսապրոֆեսիոնալ բանակի: Առաջին գծում են 18 տարեկան երիտասարդներ, ովքեր չունեն հմտություններ, փորձ:
Ճիշտ չէ ամեն ինչ բարդել արտաքին թշնամու վրա, մենք այսօր ունենք ներքին թշնամիներ, որոնք անում են այնպես, որպեսզի բանակը մնա կոռումպացված, բացասական երևույթներն արմատախիլ չարվեն և իրենք շարունակեն իրենց բարեկեցիկ կյանքը՝ ի հաշիվ մեր զինվորների, մեր հերոսների կյանքի:
Մենք կարծում ենք՝ գոնե առաջին գծում պետք է ունենաք պրոֆեսիոնալներ, ովքեր անառիկ կպահեն մեր սահմանը: Կարևոր է, որպեսզի պրոֆեսիոնալների ջոկատը բարձր վարձատրվի, ունենա լավագույն կենսապայմանները, վստահ լինի՝ ինչպես ինքն է պաշտպանում հայրենիքը, այնպես էլ հայրենիքն է պաշտպանում իրեն: Այսօր, ցավոք սրտի, դա մենք չունենք»:
Արման Վարդանյանը նաև անհրաժեշտություն է տեսնում՝ ստեղծելու արագ արձագանքման ջոկատներ, որոնք թշնամու ծավալած գործողությունների ընթացքում արագ կարձագանքեն, կլինեն ամենաթեժ կետերում և տեղում ճիշտ լուծումներ կտան:
Քննարկմանը հնչած կարծիքներն ու առաջարկությունները հետագայում կարտացոլվեն «Միասնություն» համազգային շարժման ծրագրային հիմնադրույթներում:
Գիտեր, որ կխփեմ նավթամուղին, գիտեի՞ք, որ նախարարի պաշտոնից դրա համար հանեցին
Փաշինյանը մերժել է ռուսական մասնակցությունը «Թրամփի ուղուն»
Դեկտեմբերի 22-ը Էներգետիկի մասնագիտական տոնն է
Ճշմարտության գինն այսօր հալածանքն է․ Հովհաննես Իշխանյան
2025թ. ԶՊՄԿ-ի համար առաջընթացի տարի էր
Սամվել Կարապետյանի նվերը Գյումրիին․ նույնիսկ խավարին հնարավոր է լուսավորել ձեր սրտերը
Իսկ ինչի՞ «լիազորություն ունեն»... լիազորություն չունեցողները. «Փաստ»
Պետք չէ նոր հեծանիվ հորինել իշխանափոխության համար. Իվանիշվիլին հաղթեց Սահակաշվիլիին. Էդմոն Մարուքյա...
Այս տարի ուժեղ Հայաստանը կհաղթի․ Նարեկ Կարապետյան
Ո՞վ կդառնա Ամենայն հայոց կաթողիկոսը․ ու՞մ է աջակցում Անկարան
