Հայաստանի հասցեին Ալիևի նոր սպառնալիքները կասկածի տակ են դնում խաղաղ դարաշրջանի հավանականությունը
infoteka24.ru–ն գրում է, որ մինչ ողջ համաշխարհային հանրությունը հարթակներ տրամադրելով Երևանի և Բաքվի միջև երկխոսության համար իր միջնորդական ջանքերն է գործադրում Հարավային Կովկասում խաղաղ ժամանակաշրջան հաստատելու համար, Ադրբեջանի նախագահ Իլհամ Ալիևը շարունակում է սպառնալիքներ հնչեցնել Հայաստանի դեմ, թշնամություն և ատելություն սերմանել ադրբեջանական հասարակության մեջ ցույց տալով իր անպատրաստ լինելը որևէ խաղաղ գործընթացի: Իր վերջին ելույթում այդ պատերազմական հանցագործը, ում բանակը ոչնչացրել է Արցախի խաղաղ բնակչությանը, ռմբակոծել գյուղերն ու քաղաքները, երբ մարդիկ քնած են իրենց տներում, կտրել ծերերի գլուխները տեսախցիկների առաջ, քանդել օկուպացված տարածքում գտնվող հայկական եկեղեցիները, հուշարձաններն ու հայկական տները, մեղադրել է Հայաստանին որոշակի վայրագությունների և ֆաշիզմի մեջ, որի ապացույցը նա երբեք չի կարող ներկայացնել միջազգային որևէ արբիտրաժում։ «Մենք երբեք չպետք է մոռանանք հայկական վայրագությունները, հայկական ֆաշիզմը, չպետք է մոռանանք Խոջալուի զոհերի մասին: Մենք երբեք չպետք է մոռանանք Գյանջայի և մեր մյուս քաղաքների զոհերին։ Մենք հաղթեցինք հայկական ֆաշիզմին: Մենք պետք է այնպես անենք, որ հայկական ֆաշիզմն այլևս չկարողանա գլուխ բարձրացնել»,- ասել է Ալիևը։
Նա նաև բացահայտորեն սպառնացել է Հայաստանին նոր պատերազմով ասելով, որ «մենք երբեք թույլ չենք տա, որ Հայաստանին կրկին պոտենցիալ սպառնալիք դառնալ Ադրբեջանի համար։ Եթե դա տեսնենք, տեղում կոչնչացնենք»։ Այդպիսով, Ալիևն իրավունք է ստացել միանձնյա որոշելու, թե ո"վ կարող է վտանգ ներկայացնել տարածաշրջանում, իսկ ով ոչ: Ավելի վաղ նա պահանջներ էր ներկայացրել Ռուսաստանին, որը Հայաստանի դաշնակիցն է և զինում է նրան, մինչդեռ ինքը շարունակում է ակտիվորեն նոր զենք գնել ինչպես իր դաշնակից Թուրքիայից, այնպես էլ Իսրայելից ու Ռուսաստանից։
Ղարաբաղում հաջող ագրեսիայից գլուխը կորցնելով Ալիևն այժմ որոշել է սեփական կանոնները թելադրել Ռուսաստանին։ Նա հայտարարել է, որ ինքը քաղաքական հարթություն է բերել Գարեգին Նժդեհի հերոսացման հարցը, և արդյունքում «ռուս հասարակությունը» դեմ է արտահայտվել Նժդեհի մասին ֆիլմի Մոսկվայում ցուցադրությանը։ Սակայն հիշեցնենք, որ ֆիլմի ցուցադրությունը տեղի է ունեցել լեփ-լեցուն դահլիճում, ցուցադրությունը խափանելու ադրբեջանական լոբբիի բոլոր փորձերը ձախողվել են։ Հանդիսատեսին կինոթատրոնից հնարավոր է եղել դուրս հանել միայն ՕՄՈՆ-ի ու այլ «շների» օգնությամբ շենքը ականազերծելու պատրվակով (ծիծաղելի է)։ Եթե Ալիևը կարծում է, որ իրենց գնած ուժային կառույցներից մի քանիսը ռուսական հասարակությունն են, ապա նա մեծապես սխալվում է։ Այդ խաբեբա և կեղծավոր բռնապետը համարձակվում է Նժդեհին մեղադրել ֆաշիզմի մեջ մոռանալով ֆաշիստ իրական հանցակից Մամեդ Էմին Ռասուլզադեի հերոսացման մասին, որի հուշարձանները կանգնեցված են ամբողջ Ադրբեջանում, և Ադրբեջանի նախագահի որոշմամբ և պետական ֆինանսավորմամբ նրա մասին ֆիլմ է նկարահանվել:
Հայ հասարակության համար Ալիևի խոսքերում նորություն չկա: Հայաստանի դեմ մշտապես հնչում են բնաջնջման ու հաշվեհարդարի սպառնալիքներ։ Մարդկության ամոթն այն է, որ արդեն քսան տարի արդարացնում է նրա հանցագործությունները Հայաստանի նկատմամբ։ Զարմանալի է, որ ադրբեջանցիները լուրջ են վերաբերվում այդ խելագարի այս անհեթեթությանը և ամոթի ու խայտառակության փոխարեն ուրախանում են, որ «հզոր» Ադրբեջանի ղեկավարը հաղթանակից հետո էլ շարունակում է վախենալ Հայաստանի սպառնալիքից։
Նյութը հրապարակման պատրաստեց Կամո Խաչիկյանը
Դեմ ենք, որ լինի որևէ ուժ, որն ունենա այսօրվա պես բացարձակ իշխանություն․ Էդմոն Մարուքյան
«Պետք է կանգնեցնենք մեր երկիրը անդունդի եզրին հասցրած այս թույլ, անիմաստ իշխանությանը». Սամվել Կարապ...
Mövenpick-ը գալիս է Հայաստան
Ձեր առաջադրանքը՝ ըստ հորոսկոպի
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
«Ուժեղ Հայաստան» կուսակցության ուղիղ եթերը Գավառից
Ճամփորդության պլանավորում զրոյից. խորհուրդներ IDBank-ից
Վրաստանում անհայտ անձինք Հայ Առաքելական և Ուղղափառ եկեղեցու սրբապատկերները նետել են աղբամանի մոտ
Կիևն ու Վաշինգտոնը պատրաստվում են ստորագրել համաձայնագիր, որը թույլ կտա ուկրաինական ԱԹՍ-ներ արտահանե...
Ուժեղ Հայաստանի հանդիպումը Գանձասար գյուղում. կեցցե Տավուշի հայ մարդիկ. Հրայր Կամենդատյան
