Պուտինը հեռախոսազրույց է ունեցել Գերմանիայի կանցլեր Շոլցի հետ

Վլադիմիր Պուտինը հեռախոսազրույց է ունեցել Գերմանիայի կանցլեր Օլաֆ Շոլցի հետ, հայտնում Է Կրեմլի մամուլի ծառայությունը:

Ռուսաստանի նախագահը շնորհավորել է զրուցակցին գերմանական կառավարության ղեկավարի պաշտոնում գործունեության մեկնարկի կապակցությամբ: Ղեկավարները նաեւ հետաքրքրություն են հայտնել երկկողմ կապերի հետագա զարգացման եւ տարբեր ուղիներով շփումների պահպանման հարցում: Զրույցի ընթացքում նրանք նշել են, որ Շոլցը երկար տարիներ զբաղվել է Սանկտ Պետերբուրգի հետ եղբայրացման հարցերով՝ որպես Համբուրգի առաջին բուրգոմիստր։

«Վլադիմիր Պուտինը տեղեկացրել է անվտանգության երկարաժամկետ, իրավաբանորեն ամրագրված երաշխիքների վերաբերյալ ռուսական առաջարկների մասին, որոնք բացառում են ՆԱՏՕ — ի հետագա ցանկացած առաջխաղացում դեպի արեւելք, ինչպես նաեւ Ռուսաստանի հետ սահմանակից երկրներում սպառազինության հարվածային համակարգերի տեղակայումը», - ասված է հաղորդագրության մեջ:

Երկրի ղեկավարը հույս է հայտնել, որ ռուսական առաջարկների շուրջ բանակցություններ կկազմակերպեն:

Ռուսաստանի նախագահը Շոլցին մանրամասն մեկնաբանություններ է տվել ԱՄՆ-ի հետ պայմանագրի եւ անվտանգության երաշխիքների մասին ՆԱՏՕ-ի հետ համաձայնագրի նախագծերի բովանդակության վերաբերյալ, որոնք Ռուսաստանի ԱԳՆ-ն դեկտեմբերին փոխանցել Է Վաշինգտոնին եւ նրա դաշնակիցներին, այդ թվում՝ Բեռլինին: Կողմերը պայմանավորվել են շարունակել կարծիքների փոխանակումը միջազգային և երկկողմ օրակարգի՝ այս և այլ թեմաների շուրջ:

Կանցլերի խնդրանքով հեռախոսազրույցի ընթացքում հանգամանալից քննարկել են Դոնբասի քաղաքացիական հակամարտության կարգավորման հարցերը:

Աղբյուր` Փաստինֆո