Optima Development-ի նախկին ղեկավար Ալբերտ Խուդոյանը ՌԴ-ում 6 տարվա ազատազրկման է դատապարտվել առանձնապես խոշոր չափերով խարդախության համար

Մոսկվայի Կոպտևսկի շրջանային դատարանը Optima Development-ի նախկին ղեկավար Ալբերտ Խուդոյանին դատապարտել է վեց տարվա ազատազրկման ընդհանուր ռեժիմի գաղութում՝ նրան մեղավոր ճանաչելով մի խումբ անձանց կողմից առանձնապես խոշոր չափերով խարդախության համար։ Այս մասին ասվում է Մոսկվայի դատախազության հաղորդագրության մեջ, որը հրապարակվել է գերատեսչության Telegram ալիքում։

Բացի այդ, Խուդոյանին նշանակվել է  800 000 ռուբլի տուգանք:

«Ավիասիթի» ընկերության ղեկավար Սերգեյ Կոնոպլևը ճանաչվել է Խուդոյանի հանցակից, դատարանը նրան դատապարտել է երեք տարվա ազատազրկման ընդհանուր ռեժիմի գաղութում և նշանակել 200 000 ռուբլու տուգանք։ Դատախազությունը Խուդոյանի համար պահանջել է ինը, իսկ Կոնոպլեւի համար՝ ութուկես տարի։

Խուդոյանի դեմ քրեական գործ է հարուցվել 2019 թվականի ամռանը՝ Մոսկվայի Լենինգրադսկի պողոտայում գտնվող «Փրայմ Պարկ» բնակելի համալիրի կառուցման հողատարածքի հետ կապված խարդախության պատճառով։ Հետաքննությունը խարդախության վնասը գնահատել է 4,3 մլրդ ռուբլի։

Ըստ «Կոմերսանտ» թերթի՝ 2016 թվականին Խուդոյանը խաբել է իր գործընկերներին և Կոնոպլևի օգնությամբ 4,2 միլիարդ ռուբլի արժողությամբ հողատարածքներ փոխանցել երրորդ անձանց՝ արհեստականորեն ստեղծված պարտքը մարելու անվան տակ։